Асосий мавзулар
12 октябр 2018

Гулноранинг сейфидан 38 $ миллионлик заргарлик буюмлари чиққан

Женеванинг Lombard Odier банки сейфларидан топилган ва Гулнора Каримовага тегишли экани айтилаётган қимматбаҳо заргарлик буюмларининг қиймати 38 миллион франкка етади. (100 Швейцария франки – 101.18 АҚШ долларига тенг. Фото: Швейцариядаги ўзбек диссиденти Сафар Бекжоннинг фейсбукдаги саҳифасидан).

Бу ҳақда хабар берган Tages Anzeiger газетасининг ёзишича, қимматбаҳо буюмлар Швейцария ҳуқуқ-тарибот органлари томонидан 2016 йилда ўтказилган тинтув вақтида топилган.

Гулнора Каримова 2013 йил охиригача БМТнинг Женевадаги қароргоҳида Ўзбекистоннинг доимий вакили лавозимида ишлаган ва бу ерда киборларча ҳаёт кечирган. Унинг барча харажатларини эса Швейцариянинг Цуг кантонида (вилоятида) рўйхатдан ўтган фирма тўлаган.

Газета бу фирманинг номи ўз вақтида Ўзбекистонда маълуму машҳур бўлган Zeromax эканини билдирмоқда.

2013 йилда Швейцария прокуратураси Гулнора Каримовани пул ювишда шубҳа қилиб, унга нисбатан жиноят иши қўзғатган ва мамлакат банкларида сақланаётган 800 миллион франк пулини музлатиб қўйган эди.

2015 йилда Цуг кантонида рўйхатдан ўтган Zeromax компанияси 2010 йилда банкрот бўлган ва ўзидан 6,5 миллиард франкка тенг улкан қарз қолдирган. Натижада Германия ва Швейцариянинг ўнлаб ширкатлари катта зарар кўрган.

Бу компаниялар Г.Каримовани Zeromax нинг ҳақиқий эгаси деб билади ва унинг Швейцарияда музлатилган пулларининг бир қисми кўрилган зарарларни қоплаш мақсадида ўзларига берилишини истайди.

Аммо марҳум президент Ислом Каримовнинг қизи Zeromax нинг ўзига тегишли экани ҳақидаги хабарларни ҳар доим рад этиб келган.

Tages Anzeiger газетаси эса Гулнора Каримованинг айрим харажатларини айнан Zeromax тўлаб берганини ёзмоқда.

Маълум бўлишича, Г.Каримова Швейцарияда муҳташам вилладан ташқари унча катта бўлмаган, лекин жуда қимматбаҳо заргарлик буюмлари коллекциясига ҳам эга бўлган. Масалан, биргина қизил бриллиант ва олмослар билан безатилган узукнинг қиймати 19,5 миллион франкка тенгдир.

“2016 йилда тинтув вақтида аниқланган бу бойликлар учун тўловларни яна ўша Zeromax тўлаган, деган хулосага келиш учун барча асослар бор эди”, деб ёзади газета.

Қолаверса, Zeromax орқали Гулноранинг вилласини таъмирлаш харажатлари тўланган, 2006-2009 йилларда 365 миллион франк маблағ офшор компанияларга ўтказиб берилган.

Гарчи Гулнора Каримованинг исми Zeromax ҳужжатларида учрамаса-да, прокуратура фикрича, турли ҳисоб рақамлари ва бошқа молиявий ҳужжатлар мазкур компаниянинг ҳақиқий эгаси айнан унинг ўзи эканидан далолат беради.

Ҳозирги кунда Г.Каримова Ўзбекистонда қамоқ жазосига ҳукм қилинган. Унинг музлатилган маблағларини эса Швейцария Ўзбекистон ҳукуматига қайтаришга қарор қилгани маълум қилинмоқда.

Ҳуқуқ ҳимоячилари бу маблағларнинг Ўзбекистон ҳукуматига қайтарилишини маъқулламаяпти. Уларнинг фикрича, бу активларнинг қайтадан ўғирланиши хавфи сақланиб турибди.

Сардор Азим
Eltuz.com

Тағин ўқинг
31 декабр 2017
Замонавий ўзбек романчилиги ва сатира жанрининг асосчиси Абдулла Қодирий НКВД томонидан 1937 йилнинг 31 декабрида НКВД томонидан «халқ душмани» ...
5 май 2016
Ўзбекистон фуқароси 36 яшар Муборакхон Усмонова ўз жазмани 55 яшар Азиз Чалишқон (Aziz Çalışkan) тарафидан 27 апрел оқшомида бўғиб ...
19 декабр 2017
Хоразм вилоятининг Қўшкўпир тумани усталари «Феррари» автомобилининг нусхасини яратишди. Энг қизиғи, унга «Запорожец» автомобили мотори ўрнатилган. «Элтуз» нашрининг Урганчдаги ...
27 май 2016
«Адолат кўзгуси» газетаси бугунги ўзбек мактабларидаги ачинарли ҳолатлардан бири, яъни таълим муассасаларида сохта диплом билан дарс бераётган ўқитувчилар борлигига ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...