Кўзқараш
3 январ 2017

Террорчининг қирғизистонлик Машрапов Яҳё экани гумон қилинмоқда

Туркиядаги тунги клубга ҳужум қилиб 39 кишини ўлдирган ҳужумчи қирғизистонлик Машрапов Яҳё экани гумон қилинмоқда.

Турк матбуотига кўра, Машрапов хотини ва икки фарзанди билан 2016 йилнинг 20 ноябр куни Қирғизистондан Истанбулга учиб келган.

Матбуот иддаосига кўра, Машраповлар оиласи Истанбулдан, Анқарага ундан кейин эса Кўня шаҳрига келган.

Сешанба куни Машраповнинг хотини Туркия истихборати тарафидан сўроқ қилинган.

Машраповнинг хотини эрининг дунëқарашидан беҳабарлигини айтган.

Қотилликда гумон қилинаётган, Машрапов Яҳё га тегишли паспорт скриншоти.

Ижтимоий тармоқда тарқалаëтган суратга кўра, Машрапов Яҳё 1988 йил туғилган.

Қирғизистон Ташқи Ишлар Вазирлиги вакилининг Элтуз мухбирига айтишича, муҳтамал террорчига оид маълумотлар қидирилмоқда.

«Регистрация идорасига сўров юборилган, Машрапов Яхë исмли шахсга паспорт берилганми ëки йўқми деган савол ўрганилмоқда» дея билдиради Элтузнинг Қирғизистондаги манбаси.

Баъзи ҳабарларда эса қотилнинг Қирғизистонлик ўзбек экани тахмин қилинмоқда.

Душанба куни ИШИД экстремистик гуруҳи янги йил кечаси Истанбулда 39 киши ўлдирилган тунги клубга ҳужум учун масъулиятни ўз зиммасига олгани маълум қилинган эди.

“Қорбобо” нинг янги йилга қарши жиҳоди

1 январга ўтар кечаси Қорбобо кийимини кийган ҳужумчи Истанбулдаги Reina тунги клубига ҳужум уюштирди.

Ҳужумда 39 киши ҳалок бўлган, 69 одам яраланган.

Ҳужумчи яширинишга муваффақ бўлган, полиция қидирув амалиётларини олиб бормоқда.

Турк полицияси Истанбулнинг Зайтунбурни мавзеъсидаги ўзбек муҳожирлари яшайдиган маҳаллада рейд ўтказгани ҳақида Eltuz.comда маълумот бор. Бу маълумотга кўра душанба кечқуринги ҳолатда, 12 киши қўлга олинган.

Элтуз манбасига кўра Зайтунбурни Нурипошшо маҳалласидаги омборни полиция босган.

Террорчининг дўсти бўлган бир ëшроқ йигитнинг деразадан сакраб қочгани ҳақида гаплар бор.

Элтуз мухбири воқеа жойидан хабарлар йўлламоқда.

Eltuz.com

Тағин ўқинг
23 март 2017
Кейинги кунларда Андижон бозорларида сабзавотларнинг нархи кўтарилиб кетди. Ҳаммадан кўра картошканинг нархи ошгани одамларнинг норозиликларига сабаб бўлмоқда. Чунки, аҳолининг ...
13 март 2018
Бундан 65 йил олдин, 1953 йилнинг 18 март куни Германиянинг Мюнхен шаҳридаги радиостанциядан ўзбек тилида илк бора мана бу ...
23 феврал 2017
Икки ой аввал Соғлиқни сақлаш вазир бўлган Адҳам Икромов ишдан олиниб, ўрнига Олий мажлис қонунчилик палатаси қўмита раиси Алишер ...
9 июн 2016
Ўзбекистонда энг «беозор» мавзу ҳисобланадиган ҳисобланадиган спорт хабарларини ёритувчи оммавий ахборот воситалари ҳам бирин кетин тақиққа учрамоқда. Футбол мутасаддилари ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...