Асосий мавзулар
8 январ 2017

Темур хўжа ўғли: Террорчининг улуси ва кимлиги йўқдир

“Истанбул хавфсизлик идораси бу исқиртни “ўзбек” деб айтди, бундан олдин қирғиз ва уйғур деган гапни айтган эди», дея ёзди туркиялик профессор Темур хўжа ўғли ўзининг ФБдаги саҳифасида.

«Бир исқиртнинг шу ëки бошқа миллат мансуби бўлиши туркистонликларга иснод келтира олмайди. Биздан шундай исқирт чиқибди дея ҳафа бўлишга асос йўқ. Террорчининг дини, улуси, шахсияти ва кимлиги йўқдир. У бир МАНҚУРТдир!” дея ёзди Темур Хўжа ўғли.

Турк матбуотида ёритилган сўнгги хабарларга кўра, 39 кишини ўлдирган террорчи ўзбекдир.

Янги йил кечаси Reina тунги клубига калашников автомати билан ҳужум қилган кимсанинг исми Абдуқодир Машариповдир.

ИШИД аскари дея иддао қилинган Машарипов ўлдирилган

Қотилнинг сўнгги селфиси

Ҳуррият ва бошқа турк газеталарининг ëзишича қотил “Абу Муҳаммад Хуросоний” код исми билан ҳаракат қилган.

Матбуот иддаосига кўра, террорчи хотини ва икки фарзанди билан 2016 йилнинг 20 ноябр куни Қирғизистондан Истанбулга учиб келган.

Кейин бу оила Истанбулдан, Анқарага ундан кейин эса Кўня шаҳрига келган.

Турк матбуотида ëзилишича, ИШИДнинг ўзбек ҳужраларидан бирида таълимот олган Машарипов 15 декабр куни Туркиянинг Кўня шаҳридан Истанбулга келган.

Сешанба куни террорчининг хотини Туркия истихборати тарафидан сўроқ қилинган.

Террорчининг хотини эрининг дунëқарашидан беҳабарлигини айтган.

Туркия истихборатининг матбуотга сиздирган ҳабарига кўра, Абдуқодир Машарипов ўлдирилган.

Уни ким ва нима мақсадда ўлдирганига оид маълумот йўқ.

Маълум бўлишича қатлиомда қўлланилган қуроллар ИШИДнинг ўзбек хужраси фаоллари тарафидан Истамбулга келтирилган.

Иддаога кўра айни фаоллар Машариповнинг ҳужум уюштиргани ортидан логистик қўлловни мунтазам амалга оширишган.

Eltuz.com

Тағин ўқинг
16 август 2017
Шоир Мақсуд Бекжон 1961 йил Хоразмда туғилган. Москвадаги Максим Горький номли Адабиёт институтини тамомлаган. Учта шеърий китоб ва иккита ...
20 июн 2018
Ўзбек расмийлари 16 июнь куни хибсга олинган АҚШ ватандоши Зокир Алиев Афғонистонда ҳарбий тайëргарликдан ўтиб, ҳукумат ва халқаро коалиция ...
8 август 2017
Юсуф Жума 1958 йилда Бухоро вилоятининг Қоракўл туманида таваллуд топган. Бухоро педагогика институтини тамомлаган. Биринчи шеърий тўплами «Ҳақиқатнинг олтин ...
21 май 2017
Туркиянинг Истанбул шаҳри Фотиҳ тумани Қумқопи маҳалласида 35 яшар Ўзбекистон ватандоши Дилдора Иномовани ўлдириб жасадини мусорга ташлаган муҳтамал қотил ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...