Кўзқараш
13 май 2017

Қарғалар сайрашни ўргатди менга…

ТошДУнинг журфагида биз 1988-1993 йилларда ўқидик. Раҳматли домламиз профессор Очил Тоғаев публицистикадан дарс берардилар.

Домлага нисбатан кўпчилик талабаларнинг ҳурмати баланд эди, аммо сўнгги дарсда бир келишмовчилик ҳам бўлганди.

Шундан сўнг домла бетоб бўлиб ётиб қолдилар. Домла вафот этганларида биз талабалар ҳам таъзияга бордик. Маййитни кўп қаватли бинонинг иккинчи қавати зинасидан қўлма-қўл кўтариб тушганимизни эслайман.

Ёш эдик, жоноза, қабристон, бу манзарадан анча мутаассир бўлдим. Қуйидаги шеърнинг илк сатрлари ана шу маросимда туғилди. Устоз ўлими билан ҳам дарс бергандай туюлди менга.

СЕН МЕНГА ЯШАШНИ ЎРГАТГИН, ЎЛИМ

Кўзларим кўрликни ўргатди менга,
Манглайим шўрликни ўрганди менга,
Юрагим ҳурликни ўргатди менга,
Сен менга яшашни ўргатгин, ўлим.

Давронлар шамолни менгзатди менга,
Шамоллар хору хас ирғатди менга,
Шайтонлар бирки базм безатди менга,
Сен менга яшашни ўтгатгин, ўлим.

Дил дўзах йўлини кўрсатди менга,
Жон учмох эшигин излатди менга,
Тан бало тоғини юзлатди менга,
Сен менга яшашни ўргатгин, ўлим.

Гумроҳлар айтдилар: ўргатгувчимиз,
Ўзингни ўзингга ўрнатгувчимиз,
Кўзингини қошингга ўртатгувчимиз,
Сен менга яшашни ўргатгин, ўлим.

Хазоний боғларга келдим уриб бош,
Харсанглар бағрига кирдим бўлиб тош,
Мен дунё дарсига беролмадим дош,
Фақат сен яшашни ўргатгин, ўлим.

Қарғалар сайрашни ўргатди менга,
Бақалар сакрашни ўргатди менга,
Мушуклар савашни ўргатди менга,
Сен менга яшашни ўргатгин ўлим.

Абдувоҳид Ҳайит
Eltuz.com

Тағин ўқинг
25 ноябр 2016
Сўнгги кунларда Ўзбекистон президентлигига номзодлар вилоятларга сайр қилиб, сайловчилар билан учрашувларни авж олдириб юборди. Бу учрашувларда эса улар қўлидан ...
18 май 2017
Ўзбек матбуоти президент Мирзиёевнинг товуқ ва тухум сиёсатини улуғлашда давом этмоқда. Ҳусусан «Миллий тикланиш» газетаси (17.05) Тошлоқдаги деҳқон хўжалиги ...
21 сентябр 2017
20 сентябр куни Россия Ҳавфсизлик Кенгаши (СБ) котиби Николай Патрушев Тошкентга келди ва Ўзбекистон Ҳавфсизлик кенгаши котиби Виктор Махмудов ...
13 апрел 2017
Ўзбекистонда давлат тилига катта эътибор ҳақида кўп гапирилаётганига қарамай, мамлакатда ўзбек тилини мустақил ўрганиш бўйича қўлланмани топиш анқонинг уруғидек ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...