Блоглар
22 июл 2017

Ўзбекистон амалдорлари нима учун Ватанни бунчалик ёмон кўришади?

Эътироз билдиришга уриниб ҳам кўрманг, чунки бу бугуннинг ҳақиқати.

Ўзбекистоннинг қайси вилоятига борманг, пахтазорда юрган, кўча супураётган, тезак, қоғоз, баклашка йиғиб юрган ўқитувчини кўрасиз.

«Нега мактабда эмассиз? Нега болаларга дарс ўтиш ўрнига кўча супураяпсиз?» дейман.

«Хоким бовани буйруғи» дейди ўқитувчи ҳадик билан.

Авлодларимизга илму маърифат тарқатувчи инсонни далага, кўчага хайдаган хоким халқ душмани бўлмай ким?

«Адабиёт дарсида, кеча нимани ўтдинглар?» деб сўрайман 8 синфга борадиган (ўқийдиган эмас борадиган!) жиянимдан.

«Ҳеч нарса ўтмади кеча муаллимамиз. Чунки у киши бир ҳафтадан буён чопиқда» дейди жияним.

«Адабиёт дарсичи?» дейман хайрон бўлиб.

«Математика домламиз ўтди кеча адабиётни. Илгари куни биология домламиз ўқитган эди» дейди жиян…

Ўз мамлакатини ва унинг келажагини ўша хокимчалик ёмон кўрадиган одам Африкадаям бўлмаса керак..

«Президент вилоятимизга келармиш бир ойдан кейин!». Хамма кўчада! Энг биринчи қаторда яна ўқитувчилар! Улар кечаси ва кундузи ариқлар, йўл четларини ёғ тушса ялагудай қилиб тозалашади. Аллақаёқдан очилиб турган гулларни келтиришади ва давлат бошлиғи юриб ўтадиган кўчалар четига суқиб чиқишади.

Гулларни «ҳоким бова»нинг пулига олиб келишадими? Йўқ! Ўқитувчининг маошидан ушлаб қолишади.

Маорифчиси мана шундай хор бўлган юрт яна қайда бор? Ўз мамлакатини бундан ҳам ортиқ даражада ёмон кўриш мумкинми?

«Эрталаб соат 9 да почта олдига автобус келади. Хаммамиз шу автобусда Дўстлик туманига кетамиз далага. Кеч соат 5 гача ғўзани чопиқ қиламиз. Ёш ўқитувчи қизларимиз бор, иссиқдан беҳол бўлиб қолишади. Бизни коллежни ўзидан 12 та ўқитувчи борамиз чопиққа. Бир ой чиқиб берасизлар дейишди. Чиқмасак нима бўлади дейсизми?… Ишдан хайдашади. Кейин қаёққа борамиз? Ҳоким ҳаммамизни дорга осади-я!»

Ўз ватанини, унинг келажагини шу ҳоким каби ёмон кўриш учун одам ким бўлиши керак?

Бутун Ўзбекистонда шу ахвол. Ўзбекистоннинг бугунги ўқитувчилари маҳаллий ҳокимларнинг «қутқарувчи камари»га айланиб қолишган.

Газ ва электрдан қарзи борларни рўйҳатга олишга – 10 та ўқитувчи!

Кам таъминланган оилалар хонадонидан хабар олишга – 15 та ўқитувчи!

Металломга – ўқитувчи!

Арча кўчати тарқатишга – ўқитувчи!

Палон туманга чопиққа (теримга) – ўқитувчи!

Вилоятга Олий Мажлисдан комиссия келяпти – ўқитувчиларни маошидан ушла!

Вилоятда Спорт мусабақалари ўтказилади – ўқитувчини маошини йиғ!

Ўзбекистонда болалар илм олишмаяпти. Бу кечанинг ҳақиқати эди. Ўзбекистонга янги президент келгач, афсуски бу ҳақиқат бугунга кўчди. Бу кетишда эртага ҳам болаларимиз шу ҳақиқат билан уйғонишади.

Тракторчининг обрўсини ўқитувчининг обрўсидан юқори қўйган марҳум қизиқчи Ҳожибой Тожибоев миллатимиз келажагига қурт тушганига ишора қилганди.

Ҳаммамиз хиринглаб қўяқолдик.

Ҳозир ҳам, авлодимизга Навоийдан, Амир Темирдан, Ал Хоразмий ва Берунийдан дарс ўтиши керак бўлган муаллимнинг қайсидир фермернинг ҳўжалигида икки букилиб ғўзани чопиқ қилаётганини кўрсак, тиржайиб ўтиб кетаверамиз…

Бизларга нима бўлди ўзи?

Улуғбек Ашур
мустақил журналист, Ванкувер
Eltuz.com

Тағин ўқинг
23 март 2017
Кейинги кунларда Андижон бозорларида сабзавотларнинг нархи кўтарилиб кетди. Ҳаммадан кўра картошканинг нархи ошгани одамларнинг норозиликларига сабаб бўлмоқда. Чунки, аҳолининг ...
16 ноябр 2017
Бошқа динга кирганликда айблаб, хотинини пичоқлаган сайрамлик 34 ёшли Хайрулло Норметов 14 ноябрь куни ҳибсга олинди. Суд ҳукми чиққунига ...
27 март 2017
Расмий маълумотларга кўра, Гагарин ва Серёгиннинг УТИ МиГ-15 учоғи 1968 йилнинг 27 марти, кундузги соат 10:31да Владимирск вилоятининг Киржач ...
30 ноябр 2016
Наманган шаҳридаги бюджет идоралари ва мактаб ходимларига Артел дўконларида сотилаëтган лампочкалардан камида икки донадан сотиб олишга мажбур этилаётгани ҳақида ...
Блоглар
16 декабр 2017
Бундан 31 йил олдин Совет раҳбарияти Олмаота ëшларининг исëнини шафқатсизларча бостирган эди. АҚШ конгреси кутубхонасига ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...
12 декабр 2017
«Ижтимоий фикр» барака топсин, яна раҳбарга ёқадиган, ақлини таниганларнинг истеҳзосига сабаб бўладиган навбатдаги сўрови натижасини ...