Блоглар
9 октябр 2017

Фарғоналик имом: Йўргакдан то кафангача пахта бизга вожиб!

Куни билан ёмғир тинимсиз ёққан бўлса-да, Марғилон ва Қўқон шаҳридаги темирйўл станцияси одамлар билан гавжум бўлди. Ҳашарчилар “Ўзбекистон темир йўллари” АК томонидан Қорақалпоғистонга олиб кетилди.

Барча ташкилот ва корхоналардан ишчиларнинг сонига қараб беш нафардан 20 нафаргача киши мажбурий равишда Қорақалпоғистон, Жиззах ва Сирдарё вилоятига пахта йиғим-теримига жўнатилмоқда.

«Газ идорасида ишлайман, биздан 18 нафар киши барчаси эркаклар Қорақалпоғистонга кетди», – деди бюджет идораси ходимларидан бири.

Унинг «Элтуз» нашрига билдиришича, уларга бир ой учун беш юз минг сўм пул берилган пахтадан қайтишгач яна беш юз минг сўм бериш ваъда қилинган.

«Биз уларни жўнатиш учун 15 мингдан пул йиғдик. Ҳашарчиларга фақат кийим-кечак олсангизлар бўлди, у ерда иссиқ кўрпа-тўшак, озиқ-овқат, йўл кирани биз берамиз дейишибди. Яна терган пахталарининг бир килоси учун 1000 сўмдан беришар экан» дейди у.

Қува тумани ободонлаштириш бўлимида ишловчи яна бир суҳбатдош эса «Элтуз» мухбирига Жиззах вилоятига пахта тергани кетишаётганини билдирди.

«Мана битта Дамас машинасида олти киши Жиззах вилоятига пахта тергани кетяпмиз. У ерда ҳали ҳам биринчи терим экан. Ўзимизнинг вилоятда учинчи терим ҳам бошланди» деди у.

Айни пайтда Фарғона вилоятида ўқитувчилардан терим учун пул йиғиш ва хашарчи топиб бериш талаб қилинмоқда.

«Элтуз» нашри суҳбатлашган фарғоналик ўқитувчи, уларнинг мактаби беш нафар ҳашарчи топиб бергани, улар учун ҳар бир ўқитувчидан 40 минг сўмдан пул йиғиб олинганлигини айтди.

У шунингдек, ҳашарчилар мактабда ишлайдиган аёл ўқитувчиларнинг турмуш ўртоқлари эканлигини билдирди.

Ҳар куни вилоят телевидениеси орқали пахтага чиқариш бўйича вилоят фаолларининг чиқишлари, мурожаатлари бериб борилмоқда.

“Биз туғилганимизданоқ пахта матосидан тайёрланган йўргакка ўраламиз, ой кунимиз етиб вафот этганимизда ҳам пахта толасидан бўлган мато бизга кафанлик бўлади. Ҳурматли биродарлар шунинг учун пахтани ҳар бир толасини нобуд қилиб териб олайлик!” деб мурожаат қилди жума куни эфирга чиққан Фарғона вилояти бош имом хатиби Турсунали Эрбўтаев.

Насима Даврон қизи
Eltuz.com

Тағин ўқинг
28 апрел 2017
Тошкент пропискасига кириш учун расмий рўйҳатдаги ҳужжатларни йиғишга вақтинча пойтахтда бўлиш муддати ҳам етмаслиги ҳақидаги мақолани чоп этган Кun.uz ...
28 апрел 2016
Бугун Ўзбекистоннинг марказий шаҳарларида камбағалларнинг мункайган кулбаси ёнида қад кўтарган муҳташам қасрларни кўриш мумкин. Албатта, аксарият амалдорлар камбағал маҳаллада ...
31 май 2018
Шўролар ҳукуматининг кескин сиёсати, аҳолининг хусусий мулки, чорва молларини тортиб олиб, кўчманчи халқларни мажбуран ўтроқлаштириш, колхозлаштириш ҳаракатлари оқибати ўлароқ, ...
14 июн 2017
Президент Шавкат Мирзиёевнинг вилоятларга хизмат сафарлари ўзбек телеканаллари орқали буюк воқеа каби талқин қилинмоқда. Айниқса 2-июнь куни Мирзиёевнинг Андижонга ...
Блоглар
16 август 2018
Дунёда энг узоқ муддат қамоқда ўтириб чиққан 64 ёшли журналист Муҳаммад Бекжон «Алвидо, Жаслиқ!» китобининг ...
3 август 2018
Бир пайтлар нефтбазадан бензин, солярка олиб чиқиб сотар эдик. Яширинча олиб чиқар эдик, ишчиларига пул ...
2 август 2018
Муҳаммад Бекжоннинг «Алвидо, Жаслиқ!» китобидан навбатдаги қисм 1999 йилги Тошкент портлашларининг асосий гувоҳи Зайниддин Асқаров ...