Cатира
6 ноябр 2017

Бош прокуратура ва ИИВ ўртасида зиддият кучаймоқда

Ўзбекистон Бош прокуратурасидаги ишончли манбанинг билдиришича, яқинда Тошкент вилояти прокуратураси вилоят ички ишлар бошқармаси ходимлари томонидан Янгийўл туманида яшовчи деҳқон Равшан Абдухолиқовга нисбатан очилган жиноят ишининг сохталаштирилганини аниқлаган. Бу ҳолат Ички ишлар вазирлиги ва Бош прокуратура ходимлари ўртасидаги зиддиятни кучайтирган.

«Элтуз» манбаси сўзларига кўра, ўтган йилнинг ўрталарида Тошкент вилояти ички ишлар бошқармаси бошлиғи Саидикром Нишонбоев Р.Абдухолиқовга тегишли ер майдонини зўравонлик билан олиб қўйиб, ўз отаси номига расмийлаштирган.

Бундан ташқари, С.Нишонбоев янгийўллик деҳқонга тегишли бўлган 5 минг дона теракни сотиб, пулини ўзлаштириб юборган.

С.Нишонбоевнинг ҳаракатларидан норози бўлган Р.Абдуҳолиқов адолат истаб қатор давлат идоралари, хусусан, президент қабулхонасига ҳам мурожаатлар қилган.

«Элтуз» манбасининг айтишича, қилмиши фош бўлишидан қўрқиб кетган С.Нишонбоев деҳқоннинг «овозини ўчириш» мақсадида ички ишлар ходимларига қандай қилиб бўлса ҳам Р.Абдухолиқовни қамоққа тиқишга кўрсатма берган.

«Оқибатда Янгийул тумани ички ишлар ходимлари 66 ёшли деҳқонга қарши шу туманда яшовчи қўшмачи «Манзура» исмли аёл номидан гўёки Равшан Абдухолиқов унинг номусига теккани юзасидан шикоят уюштириб, деҳқонни қамоққа тиқишган ва бир неча кун турли қийноқлар қўллашиб, отахонни содир этмаган жиноятни бўйнига олишга мажбурлашган», деди Бош прокуратурадаги манба.

Р.Абдухолиқов мурожаатлари ортидан Тошкент вилояти прокуратураси жиноят ишини ўрганиш давомида ички ишлар ходимлари томонидан қатор далиллар сохталаштирилганини аниқлаган ва Р.Абдухолиқов қамоқдан чиқариб юборилган.

Ушбу иш бўйича Янгийул тумани ички ишлар ходимларидан бир нечаси ишдан бўшатилган.

Бош прокуратура вакилининг таъкидлашича, мазкур ҳодиса ортидан Ички ишлар вазирлиги ва Бош прокуратура ходимлари ўртасида кескин қарама-қаршилик юзага келган.

«Ҳозир ИИВнинг прокуратура ҳаракатларидан норози айрим мулозимлари терговни олиб бораётган прокурорга нисбатан турли пинҳона тазйиқ ва босимлар уюштирмоқда», деди Бош прокуратура ходими.

Шамсиддин Тўлаганов
Ўзбекистонлик муаллиф таҳаллуси
Eltuz.com

Тағин ўқинг
17 май 2017
Андижон вилояти Шаҳрихон шаҳри ва туманида 15 май куни юзлаб беморлар заҳарланиш ташхиси билан касалхонага ëтқизилган. Озодлик радиоси маълумотига ...
7 июл 2016
«Ўзбекистон овози» газетаси Халқ демократик партияси етакчиси, партиянинг парламент қуйи палатасидаги фракцияси раҳбари Ҳотамжон Кетмоновнинг Бўз туманидаги сайловчилар билан ...
20 июл 2017
1 августда Ўзбекистонда Олий ўқув юртларига кириш учун имтиҳон ўтадиган жойларга бу йил видеокамералар ўрнатилади, абитуриентлардан бармоқ излари олинади. ...
3 апрел 2015
Ислом Каримов режими ўзининг алоҳида аёлларига эга. Уларнинг отрядлари бугунги кунда ўз ҳуқуқини ҳимоя қилишга уринганларнинг абжағини чиқармоқда. Бироқ ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...