Асосий мавзулар
4 декабр 2017

Армияни кучайтиришда мантиқ бор

Ўзбекистон Марказий Осиёда кучли ўйинчи бўлишга интилиш баробарида ҳарбий қудратини ҳам ошириб бормоқда.

Афғонистон президенти Ашраф Ғанининг 4 декабрь куни Тошкентга сафари олдидан Ўзбекистон Россиядан 12 та «Ми-35» кўп мақсадли вертолётлар сотиб олиш бўйича шартнома тузгани тўғрисида хабар тарқатилди.

Бу вертолётларни етказиб бериш кейинги йилдан бошланиши кутилмоқда.

Мазкур шартнома Россия ҳукумати раиси Дмитрий Медведов ва унинг ўринбосари Дмитрий Рогозиннинг Тошкентга қилган сафарлари ортидан имзоланди.

Биз ўшандаёқ Ўзбекистон Россия билан ҳарбий соҳада янада жиддийроқ ҳамкорлик қилишга интилишини тахмин этган эдик.

Яна тахмин қилишимиз мумкинки, бу шартнома расмий Тошкентнинг қурол-яроғ сотиб олишга оид келишувларининг дебочаси, холос. Ҳали кўп бундай шартномалар ҳақида эшитишимиз эҳтимоли юқори.

Президент Шавкат Мирзиёев яқинда Туркияга қилган сафаридан ҳам ҳарбий соҳада эътиборли келишувга эришиб қайтганди. Бу келишувга кўра, Ўзбекистонда туркларнинг зирҳли ҳарбий машиналари ишлаб чиқарилади.

Ўзбекистон раҳбарининг ҳарбий соҳадаги бундай изчил қарорларининг илдизини жорий йилнинг бошларидан излаш керак.

У Ватан ҳимоячилари куни муносабати билан йўллаган табригида «қўшинларни замонавий қурол-яроғ ва ҳарбий техника билан қайта таъминлаш – бугунги ва истиқболдаги энг муҳим вазифа экани» ҳақида гапирганди.

Шунингдек, Мирзиёев мамлакатда ҳарбий саноат мажмуасини барпо этиш истагини ҳам эълон қилган эди ўшанда. Айни пайтда бу борадаги саъй-ҳаракатлар кучайиб бораётганига гувоҳ бўлишимиз мумкин.

Хўш, мамлакат кескин иқтисодий ўзгаришларни амалга ошираётган бир пайтда мавжуд имкониятларнинг бир қисмини шундай ҳам Марказий Осиёда энг кучли деб эътироф этиладиган армияга йўналштириш қанчалик мантиқли, деган савол туғилиши табиий.

Фикримизча, Афғонистондаги вазият барқарорлашмас экан, Марказий Осиё устидаги «қора булут» тарқамайди.

Дунёдаги нуфузини қайтариб олишга уринаётган Россиянинг АҚШ билан манфаатлари тўқнашаётган бу ҳудудда эса ҳали-бери тинчлик ўрнатиладиганга ўхшамайди.

Россия «Толибон»га қурол-яроғ етказиб бераётгани тўғрисидаги хабарлар пайдо бўлаётгани ҳам бежизга эмас.

Қолаверса, Ироқ ва Суриядан қувиб чиқарилаётган ИШИД жангарилари учун ҳозир энг мақбул мамлакатлар орасида Афғонистон ҳам борлигини ёдда тутиш лозим.

Шу нуқтаи назардан олиб қараганда, Ўзбекистоннинг ўз армиясини имкон қдаар тезроқ модернизация қилишга интилиши мантиқли кўринади.

Сардор Азим
Eltuz.com

Тағин ўқинг
25 июн 2016
23 май куни Германиянинг Тошкентдаги элчихонасидан чиқиб озроқ яëв юриб, тошкентликлар орасида “ажралиш ҳайкали” дея ном чиқарган монумент олдига ...
18 сентябр 2018
Ҳозир Ўзбекистонда ҳайдовчилик гувоҳномасига оид ҳар қандай жараён тўғридан-тўғри “Автотест” МЧЖга бориб боғланаверишига кўпчилик ўрганиб қолди. Яқинда илгари ҳайдовчилик ...
20 январ 2017
«Халқ сўзи» газетасида (18.01) Ўзбекистон инсон ҳуқуқлари миллий маркази раисининг инсон ҳуқуқлари тўғрисидаги халқаро пактларнинг 50 йиллигига бағишлаб Москвада ...
26 декабр 2015
ЎзРесЖКнинг фирибгарлик ва товламачилик моддалари билан айблов эълон қилинган Руҳиё Баитова Амнистия Қарорига асосан авф этилди ва озодликка чиқарилди! ...
Блоглар
22 октябр 2018
Яқин кунларда Ўзбекистонда қимматчилик бошланиши ҳақида аҳоли ўртасида шу кунларда анча кенг тарқалган хавотирнинг асоссиз ...
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...