Асосий мавзулар
15 декабр 2017

Стив Свердлов: Ўзбек матбуоти менинг гапларимни тескари талқин қилди

14 декабрь куни HRW тадқиқотчиси Стив Свердлов Ўзбекистондаги расмий матбуотнинг иккиюзламачилиги ҳақида мақола чоп қилди.

Podrobno.uz сайтида 5 декабрда чоп қилинган «Ҳьюман райтс вотч»нинг Ўзбекистондаги фаолияти ҳусусида берган ўз интервьюсини кўриб, тадқиқотчи Ўзбекистондаги цензурани танасида ҳис қилганини ёзади.

«Энг қизиғи, умуман суҳбатнинг эълон қилиниши бўлди. Расмий рўйхатдан ўтган ОАВ шу пайтгача мустақил инсон ҳуқуқлари гуруҳининг ишини ёритмаган, аммо бизнинг танқидий ҳисоботларимизни фақат расмий рад этиб келаётган эди», дея ёзади Свердлов.

Тадқиқотчи ўз мақоласида Мирзиёев даврида озроқ олдинга силжиш бўлганини айтиб, айни пайтда Ўзбекистоннинг ривожланишига ҳали анча борлигини таассуф билан қайд этади. Бунга у журналист Бобомурод Абдуллаевнинг қамалиши, Туркиядан қайтган ёзувчи Нурилла Отахоновнинг уй қамоғига олинишини мисол келтиради.

«Podrobno.uz сайтида мен қайд этган ижобий ўзгаришлар, жумладан, сиёсий маҳкумларнинг озод қилингани ҳақидаги гапларим ўзгармаган. Лекин яқинда ҳибсга олинган журналистлар, қийноқларнинг кенг қўлланилаётгани, мажбурий меҳнат ва фуқаролик жамиятига нисбатан чекловлар ҳақидаги танқидлар олиб ташланган.

Қисқа қилиб айтганда, ўз-ўзини цензура қилиш Ўзбекистонда ҳали ҳам тирик ва кучли.

Бу инцидент бизга Ўзбекистонда эълон қилинган ислоҳотлар катта ўзгаришларга олиб келмаётганидан далолат беради. Президент Мирзиёев лўнда қилиб айтиши керакки, давлат сиёсати танқидига нафақат тоқат қилиниши, балки олқишланиши лозим. Бу ўтмишнинг қоронғу меросини тарк қилишнинг ягона усулидир», дейди Свердлов.

Eltuz.com

Тағин ўқинг
18 ноябр 2016
Абдулла Ориповнинг вафоти халқимизнинг севимли шоири сўнгги вақтларда норасмий тақиқ остида яшагани, бундан бир қанча вақт илгари «Озодлик» радиоси ...
24 июн 2018
Россиялик футбол шарҳловчиси Василий Уткин Аргентина-Хорватия ўйини пайтида халқаро нуфузи баланд бўлган ўзбекистонлик рефери Равшан Эрматовни «эшакнинг ўғли» дея ...
28 сентябр 2017
Андижон шаҳрида, маҳалла фаоллари газ баллон бериш ваъдаси билан одамларни пахта теримига жалб қилишмоқда. «Элтуз» мухбирига кўра, Андижон шаҳридаги ...
26 апрел 2018
26 апрель куни фейсбукда пайдо бўлган фотосуратда Ўзбекистон Мудофаа вазирлиги артистларининг рус ҳарбийлари кийимида уруш қўшиқларини куйлаб, Тошкент метросига ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 феврал портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...