Блоглар
9 январ 2018

Дўппи флешмоби ўзбеклар обрўсини тиклайдими? (видеоблог)

6 январдан инстаграм ва фейсбук саҳифаларида стихияли тарзда ўзбеклар дўппи флешмобини бошлашди. Унга тармоқда бошқа миллатлар ҳам қўшилишди.

Зардўзию духоба, қоғоз дўппию кигиз дўппилар намойиш этилмоқда. Кимдир қалпоқ, кимдир папоқ, яна кимдир чўгирма кийди.

Шоир Эркин Воҳиднинг «Қайга борсам, бошда дўппим, ғоз юрарман гердайиб» деган машҳур сатрлари шу кунларда ҳар доимгидан кўпроқ такрорланди.

Ҳатто президент Мирзиёев ҳам ўз чиқишида бу сўзларини такрорлаб, «Ким бу сўзларни ўша пайтда айта оларди? Эркин Воҳидов айтган! Қани бизда шундай ёзувчилар?» деган риторик саволни қўйди.

Шоирнинг айни сатрларига жавобан 1988 йили Муҳаммад Солиҳ «бошдаги дўппи билан фахрланишнинг ўрнига дўппини бошдан олиб ерга қўйиб, миллат сифатида “мен кимман” деб ўйланиш фурсати келди, деган эди.

Муҳаммад Солиҳнинг 30 йил бурунги сўзлари ўзбеклар номи халқаро террор, жинсий тажовуз ёки коррупцияга оид йирик жиноят фигурантларига нисбатан қўлланилаётган дамда, айниқса, долзарб ва аччиқ янграмоқда.

Бугун чиндан ҳам дўппи кийиб, ўзбеклигимиздан гердайишдан кўра, уни бошдан олиб, узоқроқ суриб қўйган хавфсизроқ эмасми?

Бу флешмоб менга кўпинча журналистларга нисбатан ишлатиладиган «шляпангизни кийинг!» деган эски инглиз иборасини эслатади.

Қалпоғингизни кийинг. Яъни ким эканингизни билдиринг.

Раҳматлик дадам, журналист Ражаббой Бобожонов шляпа кийган. Уйимизда ҳамиша тўрт фаслга мўлжалланган ҳар хил шляпалар бўларди.

Кенг соябонли, енгил шляпа, Хоразм иқлимига мос. Журналистни ҳам қуёшдан, ҳам ўша пайтдаги ҳар хил авторитетлар таъсиридан тўсади. Бундан ташқари, шляпа ҳокимият тимсоли эди.

Дўппи эса айни пайтда қайсидир оддий халққа мансублик рамзи эди.

Эҳтимол, шунинг учун ҳам бугун ҳар бир ўзбек дўпписини бошига қўндириб, унинг остида кечаётган фикрлари, ғоялари, мақсадларини бир тарозига солиб кўриши ўринлироқдир?

Марҳамат қилиб дўппингизни кийинг!

Видеоблог: https://youtu.be/CZirHOnRDUI

Қудрат Бобожон
Eltuz.com

Тағин ўқинг
6 ноябр 2017
Ўзбекистон Бош прокуратурасидаги ишончли манбанинг билдиришича, яқинда Тошкент вилояти прокуратураси вилоят ички ишлар бошқармаси ходимлари томонидан Янгийўл туманида яшовчи ...
19 декабр 2016
Ўзбек маданияти, санъати ва адабиётининг таназзулини бошдан кечираяпмиз. Кенг тафаккурли, истеъдодли ижодкорлар ё ватанни тарк этишди, ё қамоққа олинди, ...
2 феврал 2017
Янги йилдан сўнг январнинг қоқ ярмигача Ватан ҳимоячиларини мадҳ этишга устивор эътибор қаратган Ўзбекистон телеканаллари кейин президентнинг кетма-кет имзоланаётган ...
15 октябр 2015
Бундан бир қанча муддат аввал Фарғона вилоятига бош вазир келиши муносабати билан пахта далаларида терилган пахта қайта чаноқларга ёпиштириб ...
Блоглар
15 ноябр 2018
Ўзбекистонда баъзан «ютуб», баъзан «фейсбук» каналлари узилишидан шикоятлар ортмоқда. 15 ноябрь куни «Элтуз» нашри Downdetector ...
14 ноябр 2018
Таниқли ўзбек диссидент адиби, 67 яшар Мамадали Маҳмудов 13 ноябрь куни Ўзбекистон Миллий ахборот агентлиги ...
13 ноябр 2018
“Бу йил фермерларга ҳар йилгидан кўра оғир бўлди. Уларга нисбатан зуғум ва зўравонликлар кўлами ошса ...