Асосий мавзулар
12 феврал 2018

Лидерларнинг кўп бўлгани яхши

Ўтган йиллар давомида ўзбек мухолифати етакчилигига даъвогарлик қилганлар кўп бўлди. Улар ҳозир ҳам шу даъвосидан воз кечмаган.

Бу даъво йўлида кўплари, асосан, битта шахс – «Эрк» партияси раиси Муҳаммад Солиҳни қоралаш амалини тутди. Гўёки Солиҳни қоралаб ёзса, кимдир унинг етакчилигини тан оладигандек.

Ҳаммасининг бир ҳовуч тарафдорлари бор эди, улар ҳар бир қоралашлардан сўнг ўз «етакчиси»нинг сўзларига дастак тутарди.

Энг эътиборлиси, бу қоралашлар аксарият ҳолларда Ислом Каримов ҳукуматининг Солиҳга қарши қутқуси кучайган пайтда пайдо бўлар, «мухолифат арбоблари» эса бу ўтга гўёки мой сепарди.

Қолаверса, бу қоралашлар ҳукуматнинг Солиҳга қарши айбномасига ҳамоҳанг, гўёки уни қўллаб-қувватловчи «фактлар»га бой бўларди. Уларда «ҳукумат ҳали ҳаммасини билмайди, мен Солиҳнинг бундан ҳам кўп «айблари»ни биламан», деган даъво уфуриб турарди.

Лекин Ислом Каримов диктатурасига қарши курашлар йўлида ҳеч ким Солиҳчалик ўрин тутмади, Зеро, диктатор учун ундан даҳшатлироқ душман йўқ эди.

Диктаторга қарши курашганларнинг ҳаммасига ҳам кучли тазйиқлар бўлди. Аммо Солиҳ дуч келгани каби синовлар билан уларни тенглаштириб бўлмади, деб айтиш учун асослар етарли. Ҳатто буни душманлари ҳам очиқ бўлмаса-да, ич-ичидан тан олса керак.

Ўзбек зиёлиларининг мамлакатимиз раҳбарига Муҳаммад Солиҳнинг юртга қайтишига рухсат беришини сўраб ёзган навбатдаги мурожаатини ўқиб, яқин ўтмишимиздаги шу воқеалар эсга тушди.

Бундан олдин ҳам айни мазмундаги иккита мурожаат мустақил оммавий ахборот воситаларида эълон қилинган эди.

Хўш, бу мурожаатлар нимани англатади. Англашма шуки, халқ, уларнинг илғор қатлами бўлмиш зиёлилар ким аслида ким эканини барибир билади, тан олади.

Гапни шу ўринда ҳам тугатсак бўларди. Аммо ким лидеру ким эргашувчи ҳақидаги баҳсларга ечим топиб бериш бизнинг иддаомиз эмас.

Хорижда фикри очиқ юртдошларимиз талайгина. Демак, муддао шуки, ҳали кўплар қайтиши керак. Уларнинг қайтиши мамлакатимизга фақат ва фақат фойда келтиради.

Лидер масаласига келсак, улар қанча кўп бўлса, шунча яхши. Орага фитна ва мунофиқлик аралашмаса бўлди. Агар мамлакат келажаги йўлида ўзаро ҳамжиҳатликда, конструктив мулоқот орқали ҳаракат қилинса, бундан аълоси йўқ.

Қолаверса, мамлакатда битта лидер, аниқроғи, ҳокими мутлақ бўлиши нималарга олиб келишини чорак асрлик тарихимиз ёрқин кўрсатиб берди. Биз бошқаларнинг эмас, ўз бошимиздан кечган воқеалардан оқилона хулоса чиқарадиган даражада онгли бўлишимиз лозим.

Сардор Азим
Eltuz.com

Тағин ўқинг
17 август 2017
Матлуба Азаматова 1965 йил Андижон шаҳрида туғилган. Максим Горький номли Адабиёт институтида таҳсил олган. Британиянинг IWPR институти ва Би ...
6 апрел 2017
Ўзбекистон президенти Шавкат Мирзиëев 5 апрел куни Кремлдаги Ўзбекистон-Россия расмий делегациялари учрашувида Наманганда туғилган миллиардер Алишер Усмонов билан иссиқ ...
11 июл 2017
3 июл куни Бешариқ марказий шифохонасига келтирилган 25 ёшли аёл вафот этди. Бу ҳақда Элтуз нашрига мурожат этган аёлнинг ...
9 август 2018
Айни пайтда Тошкент архитектура-қурилиш институти олдидаги чинорларнинг бир нечаси ҳам туман ободонлаштириш идораси томонидан кесиб ташланган. Рассом Туз 2015 ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...