Cатира
6 март 2018

Тўйга «ғўдайган бошлиқ» борса қамалади!

«Бош вазирдан тортиб, ҳокимларгача тўй маросимларига бориши ман этилади», деди Шавкат Мирзиёев 2 март куни ижтимоий тармоқда пайдо бўлган аудиосида.

Мирзиёев, шунингдек, «чойхоналарнинг ёнида давлат машинаси турганини кўрган куни» ўша амалдорни ишдан олиши ва қамашини айтган.

Президент Мирзиёевга кўра, тўй энг кўпи 150 киши учун берилади ва фақат соат тушки 13 дан 14 гача ўтказилиши мумкин.

«Қариялар фақат нон синдиришга боради. Ёшлар тўйга боради. Шунинг ҳаммасини ёзиб қарор чиқаришга мажбурман энди», деди президент.

Мирзиёев бу гапларини мамлакатда авж олаётган коррупцияни, адолатсизликни йўқ қилиш учун айтаётганини билдирди. Унинг фикрича, бунинг учун ҳамма тўйлар бир хилда ўтиши, давлат амалдорлари тўй ҳам, туғилган кун ҳам нишонламаслиги керак.

«Менинг ўзим ҳам борганман. Ҳаммамиз ғўдайиб борардик, мошиналарга миниб, ҳамма қараб туради… Бош прокуратура, бало-блакатура! Бунақа давр кетди энди. Фақат оддий тўйлар, оддий одамлар бўлади! Хиёнатнинг олдини олган бўламиз бу билан».

Ижтимоий тармоқда президентни қўллаш билан бирга қарши фикрлар ҳам янграмоқда. Канадалик ўзбек фаоли, ҳуқуқшунос Дилсора Фозилованинг фикрича, тўйлар ва туғилган кунларни қонун чиқариш билан чеклаб бўлмайди.

«Чунки халқ менталитети ва ижтимоий ахлоқ ўн йилликлар ва юз йилликлар давомида шаклланган. Энг муҳими, бу шахсий масала, унга қандайдир чекловлар қўйиш кулгили», дейди канадалик ҳуқуқшунос.

У ечими осон бўлмаган исрофгарчилик ва коррупция билан боғлиқ муаммо бошқача ҳал қилиниши керак, деган фикрда.

«Оддийгина тўй орқали турмуш қурган ёшларнинг бундан фахрланиши тўғрисидаги ҳужжатли фильмлар тайёрлаш йўли билан оммага тезроқ таъсир ўтказиш мумкин. Исрофгарчиликдан тежалган маблағ муҳим ишларга сарф қилинганини ҳам халқ билмоғи зарур. Шунда ҳам бу узоқ вақтга мўлжалланган режа бўлмоғи керак», дейди Фозилова.

Австрияда яшаётган ўзбек шоири Ёдгор Обид эса халқ мутлақо ўз қадимий удумларидан воз кечмайди, деган фикрда.

«Халқимиз баданида улоқчилик руҳи бор. Чавандозлик бор. Чавандоз улоқ чопиб турмаса бўлмайди! Тўйлар ҳам улоқ чопишдек бир гап!…», дея ёзади у.

Президентнинг айни тўй йўриқномасини акс эттирган рассом Туз «Элтуз» нашрига янги карикатурасини жўнатди.

Рассом Туз
Eltuz.com

Тағин ўқинг
20 январ 2016
Петербургда истиқомат қиладиган ўзбек муҳожирига кўра, бу икки фоҳишахонада асосан ўзбек қизлари ишлаган. Агар Питердаги ўзбеклардан Просвещения кўчаси 33 ...
1 март 2017
Ўтган ҳафта Киев суди Ислом Каримовнинг беваси Татъяна Каримованинг жияни Акбарали Абдуллаевни Ўзбекистон Бош прокуратурасининг экстрадиция талаби билан бир ...
12 сентябр 2017
12 сентябр куни тармоқда Сирдарёда туман ҳокимининг мактаб директорларини ураётгани акс этган видео тарқалди. Кун.уз нашри тарқатган видеода Сирдарё ...
8 феврал 2017
7 феврал куни ўтган селектор мажлисида президент Шавкат Мирзиёев, туғуруқхоналарда порахўрлик очиқдан-очиқ тус олгани ҳақида гапирди. «Туғилганга пул бериш ...
Блоглар
18 декабр 2018
Халқ таълими вазири Шерзод Шерматов жойлардаги ўз қўл остидаги раҳбарларга хат йўллаб, бир неча талабларни ...
18 декабр 2018
Бундан роппа роса 32 йил олдин, 1986 йилнинг 17-18 декабрь куни Совет Иттифоқи раҳбарияти Олмаота ...
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...