Кўзқараш
6 март 2018

Бобомуроднинг суди кечиктирилиши сабаби нимада? (видео)

Журналист Бобомурод Абдуллаев судининг 7 мартга қолдирилиши сабаби ҳақида ижтимоий тармоқда турли фикрлар билдирилмоқда.

«Суднинг қолдирилганига иккита сабаб бўлиши мумкин, деб ўйлайман. Биринчиси, Суръат Икромов айтганидек, қийноқлар ва ёлғон кўрсатма ҳақидаги маълумотнинг Абдуллаев адвокати орқали ташқарига чиқарилиши.

Бу вазиятда кучишлатар тизим тепасида ўтирганлар учун масала унинг қийноққа тутилгани эмас, балки баъзи исмларга қарши кўрсатма берилганлиги ҳақидаги маълумотни текшириб кўриш муҳимроқ. Иккинчи тахмин эса прокурор келмагани туфайли суд мажлисини қолдириб, жамоатчилик диққат марказида бўлган ишнинг аҳамиятини бироз пасайтиришга қаратилган тадбир бўлиши ҳам мумкин.

Агар 7 март куни ҳам қандайдир арзимас сабаблар билан суд яна қолдирилса, иккинчи тахмин кучлироқ келиши мумкин. Ёмон томони эса МХХнинг Б.Абдуллаевни қамоққа ташлаш нияти ўта жиддийлигини англатади», дея ўз фикрини билдирди Султон Бурхонов исмли фейсбук юзери.

Айни пайтда фаоллар Бобомурод устидан чиқариладиган ҳукм Ўзбекистондаги эркинликлар даражасининг кўрсаткичи бўлишини айтишмоқда.

«Элтуз» нашри билдирганидек, 5 март куни маҳаллий фаоллар, журналистлар, хорижий дипломатик корпус вакиллари, судланувчиларнинг яқинларидан иборат 50 тача одам Тошкент шаҳри суди биносига келишганди.

Шунингдек, дунёда энг узоқ қамоқда ўтирган журналист Муҳаммад Бекжон ҳам судда иштирок этиш учун Хоразмдан етиб келди.

«Суд қолдирилгани боис, 80-йилларда чиқарилган эски бир «Жигули» машинасини кира қилиб куни бўйи шаҳарни айландим», деди, жумладан, Муҳаммад Бекжон 6 март куни «Элтуз»га берган интервьюсида.

Бобомурод Абдуллаев Миллий хавфсизлик хизмати ходимлари томонидан шу йилнинг 27 сентябрида ўғирлаб кетилган.

Орадан уч кун ўтиб, унинг ҳокимиятни ағдаришга уринишда айбланаётгани маълум бўлган эди.

«Элтуз» нашри Абдуллаевнинг суди билан боғлиқ жараённи кузатишда давом этади.

Eltuz.com

Тағин ўқинг
22 сентябр 2018
Фарғона нефтни қайта ишлаш заводи собиқ директори Журъат Мелиқуловга жиддий тан жароҳатлари етказганлар устидан тергов якунланиб жиноят иши судга ...
16 феврал 2017
15 феврал куни, автосаноатдаги коррупция боис ишдан кетган ва қамоққа олинган “Ўзавтосаноат” раиси ўринбосари Тоҳиржон Жалилов лавозимига қайтди. Россиядаги ...
7 июн 2018
Бу кун Англия фуқаролик жамияти томонидан монархия зўравонликларини чеклаш йўлида туб бурилиш ясалган санадир. 1628 йилнинг 7 июнида инглиз ...
25 сентябр 2018
Тошкентда KFC фастфуд ресторанлари тармоғи иш бошлади. Дастлабки ресторан «Буюк ипак йўли» метроси яқинида 12 сентябрда иш бошлагани ҳақида ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...