Cатира
2 апрел 2018

Ўзбек ТВ боғда ўпишганларни изза қилди

Ўзбекистоннинг «Менинг юртим» телеканали 1 апрель куни ёшлар ахлоқи «фош қилинган», яъни уларнинг истироҳат боғларида қўл ушлашиб юргани, ўпишгани акс этган кўрсатувни кечки прайм-таймда эфирга узатди.

Кўрсатув журналистлари криминал фильмлар фонида истироҳат боғида ўриндиқда ўтирган ёшларни пойлашади. Қўққисдан улар ёнига бориб:

«Нима қилиб ўтирибсиз бу ерда?» дея терговга тутишади.

«Узр, гаплашиб ўтирибмиз…», дейди иккита қиз билан суҳбатлашиб ўтирган йигит катта гуноҳ қилиб қўйгандай ўрнидан туриб.

«Бошқа жойда ўтирсаларинг бўлмайдими?» дейди ТВ журналист ўзини катта бир жиноятни фош этган изқувар каби тутиб.

«Ёввойининг қўлига камера тушса…»

Тошкентлик блогер Хуршид Йўлдошев «Элтуз» нашрига берган интервьюсида бу шахсий дахлсизлик ҳуқуқини бузиш дея баҳоланишини билдирди.

«Бу моралист «журналистлар» айнан ўзбек тилида гаплашувчилар ортидан пойлоқчилик қилишмоқда. Агар нега бошқаларга бундай юриш мумкин-у, ўзбекларга мумкин эмас дейишса, энди улар мусулмонмас-да, дейишади. У ҳолда бу журналистлар диний каналнинг мухбирларими ёки биз диний давлатда яшаяпмизми?

Айни шу ҳолатнинг ўзи «журналистлар» қонунни бузаётганини, шахсий дахлсизлик поймол қилинаётганини англатади. Агар қонун кўчада ўпишишни тақиқлаганда эди, бу дини ва миллатидан қатъи назар, ҳаммага баробар бўлар эди. Бу ерда дискриминация яққол кўриниб турибди», дейди Йўлдошев.

Йўлдошев, шунингдек, Ўзбекистон телеканалларида илгари ҳам шунга ўхшаш «насиҳатомуз псевдоҳужжатли кўрсатув»лар берилгани ҳақида айтади.

«Аммо журналистлар бировнинг орқасидан пойлаб, жиноятчини қўлга олгандай ўзларини тутишмасди. Конституция бўйича биз дунёвий давлат эканлигимиз, шахсий дахлсизлик ҳуқуқи таъминланишини кўпчилик эсдан чиқариб қўймоқда. Бу кетишда тўйдан олдин ёшларни учраштиришга ҳам қаршилар пайдо бўлади ҳали. Ҳамманинг устидан ҳамма назорат қилувчи тоталитар жамиятга айланиб қолмасак бўлгани», дейди Йўлдошев.

Фейсбукнинг аксарият юзерлари журналистларнинг бу каби шахсий ҳаётга бостириб киришини қораламоқда:

Дилбар Файзихўжаева: «Бундай иш жоҳиллик деб аталади. Буларга эссиз ТВ, эссиз камера!»

Хонзода Холиқова: «Му5 канали вообще зазвездились! Скрытый камерага олиб ТВда кўрсатишни нима кераги бор эди?»

Суннат Алимов: «Агар мен яхши кўрган қизим билан ўтирганимда кимдир шундай қилса, жағини иккига айирардим».

«Порахўрни фош қилолмайди, албатта у. Кўча тозалайдиган ўқитувчиларни кўрса, камераси бузилиб қолади. Ҳокимлар сўкинаётган мажлисга ҳам камерасини олиб киролмайди…», дейди Йўлдошев.

Айни ҳолат рассом Тузнинг янги ҳажвий расмига мавзу бўлди.

Рассом Туз
Eltuz.com

Тағин ўқинг
17 март 2017
17 март куни Ўзбекистонга 1983 йилдан 1988 йилгача рахбар бўлган, Иномжон Бузрукхўжаевич Усмонхўжаев 87 ёшида вафот этди. Марҳум Фаргона ...
24 июл 2017
Шоу-Бизнесда чиқарган номини пеш қилиб Ўзбекистон Давлат Консертваториясига ўқишга кирмоқчи бўлиб айни даргоҳ профессори, таниқли бастакор Дилором Омонуллаева олдига ...
27 апрел 2016
Гап Ўзбекистонда анча вақтдан бери давом этаётган бензин тақчиллиги муаммоси ҳақида бормоқда. Бугун бензин фақат Тошкентдагина бир амаллаб топилаётгани, ...
11 феврал 2016
Ўзбекистонда деярли барча автобусларда ҳайдовчилари иш вақтида бемалол чекадилар ва бунга ҳеч қандай чора кўрилмайди. Рассом Элсевар Eltuz.com
Блоглар
20 апрел 2018
Ўзбекистонда мажбурий меҳнатга қарши кураш кампанияси бошланди. Бу курашни мамлакат президентининг ўзи бошлаб берди. Мамлакатда ...
19 апрел 2018
Президент Мирзиёевнинг педагог ва шифокорларни мажбурий ишларга жалб этмаслик талабларидан сўнг Тошкентда 17 апрель куни ...
19 апрел 2018
Дўппидўз чевар Ҳамида Юнусова 25 йилдан буён дўппи тикади. Бу ҳунар унга оилавий анъана бўлиб, ...