Cатира
17 апрел 2018

Ўзбекистонда Путин ташвиқотини тарқатувчи ТВ канал очилади

Россиянинг «Биринчи» телеканали Ўзбекистон ҳукумати билан ҳамкорликда мамлакат ичкарисида алоҳида телеканал очмоқчи. Бу ҳақда Ахборот ва коммуникациялар вазирлиги матбуот хизмати хабар берди.

Бу масала Ўзбекистон Ахборот технологиялари ва коммуникациялар вазири Азим Аҳмадхўжаев ҳамда Россия алоқа ва оммавий коммуникациялар вазири ўринбосари Алексей Волин ўртасида келишилган.

Гап нафақат Россиянинг битта канали, балки ВГТРК, «Россия Сегодня», «Россия 24» каналлари дастурлари режиссёрларининг Ўзбекистон ахборот майдонида фаолият бошлаши ҳақида бормоқда.

«Юқоридагилар анъанавий журналистика вакиллари, оддий ОАВ эмас. Булар ахборот урушида қатнашаётган РФ инфоқўшинлари. Тошкент дарвозаларининг калитини ўз қўлимиз билан топшириб қўймаяпмизми?» дея ёзди бу ҳақда фейсбук блогери Сардор Салим.

Икки давлат ўртасидаги келишувларда бугунги кунда энг кўп ўзбекистонликлар яшаётган Россияда ўзбек канали очиш тўғрисида гап ҳам йўқлиги битимнинг бирёқламалигини англатади. Бироқ бу хабар Ўзбекистонни Россияга қўш қўллаб тутқазиш ғояси тарафдорлари тегирмонига ҳам сув қуймоқда.

«Айтайлик, Ўзбекистоннинг Россияга қўшилишидан давлат зарар кўрар, лекин оддий халқ, оддий аҳолига бўладиган фойда ва зарарни бир тарозига қўйиб чиқсак нима дейсиз? Шу мавзуни ҳам ўртага ташлаб кўринг», дея ёзди Сардор Салимга жавобан Салим Устахонов исмли фейсбук юзери.

Айни пайтда бу хабар шусиз ҳам Россиянинг Яқин Шарқда ва Украинада олиб бораётган урушидан норози ижтимоий тармоқдаги айрим ўзбекистонликларнинг жиддий хавотирига сабаб бўлмоқда.

«Ҳеч ким сезмади шекилли. Аннексия қилинган Қримга бориши мумкин экан фахрийларимиз. Бутун дунё қарши чиқаётган балога бош суқиш кимнинг хаёлига келди экан?»

Рассом Кирпи
Eltuz.com

Тағин ўқинг
2 ноябр 2017
31 октябр куни Нью-Йоркда пикапдаги эркак велосипед йўлакчасида саккиз нафар одамни босиб ўлдирди. 12 одам жароҳатланди. Жиноят теракт дея ...
10 март 2017
Ўзбекистон Президентининг қарорига кўра, 1 мартдан Ўзбекистондаги чакана савдо ва хизмат кўрсатиш соҳасидаги барча тадбиркорлик субъектларида касса аппаратларининг бўлиши ...
29 март 2016
Sputnik интернет нашрининг Хусусийлаштириш, монополиядан чиқариш ва рақобатни ривожлантириш давлат қўмитасидаги манбага асосланиб билдиришича, Ўзбекистонда 2016 йилнинг биринчи чорагида ...
24 ноябр 2016
Бугунга келиб Бош вазирнинг виртуал қабулхонаси орқали ечилаётган муаммоларнинг аксарияти ниҳоятда жўн ва майда масалалар экани аён бўлиб қолмоқда ...
Блоглар
18 декабр 2018
Халқ таълими вазири Шерзод Шерматов жойлардаги ўз қўл остидаги раҳбарларга хат йўллаб, бир неча талабларни ...
18 декабр 2018
Бундан роппа роса 32 йил олдин, 1986 йилнинг 17-18 декабрь куни Совет Иттифоқи раҳбарияти Олмаота ...
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...