Cатира
19 апрел 2018

Мажбурий меҳнат «бошқа қайтарилмайди»ми?

Президент Мирзиёевнинг педагог ва шифокорларни мажбурий ишларга жалб этмаслик талабларидан сўнг Тошкентда 17 апрель куни ўтган йиғилишда бир неча вилоят ҳокими ҳамда икки вазирга бош вазир Абдулла Арипов аччиқ танбеҳ берди.

Ҳокимлар ва вазирлар бурчакка қўйилган ўқувчи каби айбларини тан олишиб, «бундай ишларнинг бошқа қайтарилмаслиги»га сўз беришди.

Наҳотки! Ўзбекистон ҳукумати мажбурий меҳнатни бартараф қилишга азму қарор берган бўлса?

Кейинги ўн йилликда Ўзбекистонда мажбурий меҳнат мониторингини юргизиб келаётган Ўзбек-герман форуми (UGF) инсон ҳуқуқлари ташкилоти раҳбари Умида Ниёзова президент Мирзиёев ташаббуси билан бошланган мажбурий меҳнатга қарши кампанияни бундай изоҳлайди.

«Мен биз саҳналаштирилган театрни кўряпмиз, деган туйғудан ҳеч кеча олмайман. Чунки агар бу барча фош қилишлар жиддий қабул қилинадиган бўлса, у ҳолда Арипов билан Мирзиёев яқинда қаердандир, осмонданми тушган бўлади. Биз ҳаммамиз бундай эмаслигини биламиз. Мирзиёев ҳам, Арипов ҳам мамлакатда кўп йиллар раҳбарлик қилган одамлар.

Ўқитувчилар ва шифокорларни ўзларига хос бўлмаган ишларга камида сўнгги ўн йилдан буён мажбурлай бошлашди. Бу тенденция йилдан йилга кучайди. Мамлакатнинг барча раҳбарлари, жумладан, ҳокимлар, вазирлар, мактаб ва шифохона раҳбарлари мажбурий меҳнатга жалб этилди. Улар кўриниб турган нарсаларни инкор этишди ва текин, мажбурий меҳнатни ҳашар деб аташди. Мирзиёевнинг ўзи ҳам ҳоким бўлган пайтларида одамларни текин ишлашга мажбурлаган. Чиқишларидан бирида бунга у иқрор ҳам бўлган.

Бироқ кеча афтидан бу муаммони тан олишга сиёсий қарор берилди. Бу яхши. Бироқ биз тағин нима бўлишини кузатамиз. Амалда ўзгаришлар юз берадими, одамларни ўз касб вазифаси бўлмаган ишларга мажбурлаш тўхтатиладими? Вазият ўзгарсагина, бу қуруқ гап эмас, балки мажбурий меҳнатни тугатиш бўйича сиёсий қарор эканига ишонишимиз мумкин», дейди Умида Ниёзова.

Рассом Туз
Eltuz.com

Тағин ўқинг
13 октябр 2015
Бугун интернет саҳифаларида ник остига яшириниб воҳай ўлдим деб зорланаëтганлар ўзгариш йўлида бир қадам ташлашга қўрқадилар. «Бундан ҳам ëмон ...
22 июн 2018
Туркияда 24 июнь куни президент сайлови ўтади. Унда президентликка иқтидордаги Эрдўғондан ташқари Жумҳурият халқ партияси (ЖХП)дан Муҳаррам Инжа ва ...
20 май 2016
Машҳур фаоллардан бири ва Ўзбекистон ҳуқуқ ҳимоячилари альянси етакчиси Е.Урлаева кўп бора оғир воқеаларни бошдан кечиргандан кейин 9 март ...
11 август 2017
“Темир хотин” филмида ўзбекларнинг пахта теришга мажбурланишини ҳажв қилган кинорежиссёр 2015 йилнинг октябрида Наманган далаларига теримга жўнатилганди. Рассом Туз, ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...