Cатира
7 сентябр 2018

Ҳукумат интернетдан фойдаланишни чеклаш қарорини чиқарди

Ўзбекистон ҳукумати 6 сентябрь куни Интернет веб-сайт саҳифаларидан фойдаланишни чеклаш тартиби тўғрисидаги низомни тасдиқлади.

Ушбу низомга мувофиқ, тарқатилиши тақиқланган ахборот мавжуд бўлган веб-сайт ёки блогерларнинг саҳифалари суд қарорисиз ёпилиши мумкин.

Чекловларнинг уч босқичи

  1. Ҳукумат тақиқланган ахборот ресурсларини аниқлайди. Бунга Оммавий коммуникациялар соҳасидаги мониторинг марказига турли шахслардан келиб тушган мурожаатлар асос бўлади.
  2. Ахборот ресурси реестрга (қора рўйхатга) киритилади. Бунинг учун мониторинг маркази хулосаси ва эксперт комиссияси қарори асос бўлади.
  3. Ахборот технологиялари ва коммуникацияларини ривожлантириш вазирлиги интернет тармоғидаги ахборот ресурсларини чеклаш бўйича тадбирлар амалга оширади.

«Қора рўйхат»га тушиш сабаблари

Низомдан аён бўлишича, қуйидаги ҳолатлар веб нашрларининг чекланишига сабаб бўлиши мумкин:

«Ўзбекистон Республикасининг мавжуд конституциявий тузумини, ҳудудий яхлитлигини зўрлик билан ўзгартиришга даъват этиш;

уруш, зўравонлик ва терроризмни, шунингдек, диний экстремизм, сепаратизм ва фундаментализм ғояларини тарғиб қилиш;

давлат сири бўлган маълумотларни ёки қонун билан қўриқланадиган бошқа сирни ошкор этиш;

миллий, ирқий, этник ёки диний адоват қўзғатувчи, шунингдек, фуқароларнинг шаъни ва қадр-қимматига ёки ишчанлик обрўсига путур етказувчи, уларнинг шахсий ҳаётига аралашишга йўл қўювчи ахборотни тарқатиш;

гиёҳвандлик воситалари, психотроп моддалар ва прекурсорларни тарғиб қилиш;

порнографияни тарғиб қилиш. гиёҳвандлик воситалари, психотроп моддалар ва прекурсорларни тарғиб қилиш; порнографияни тарғиб қилиш.

Гарчи бу ҳужжат энди пайдо бўлишига қарамай, асосан, хорижда жойлашган ва Ўзбекистондан хабарларни мустақил ёритаётган веб сайтларга анчадан буён тўсиб келинади. Тўсилган сайтларнинг рўйхати узун ва уларни бирлаштирувчи жиҳат ўзбек цензураси назоратида эмаслигидир.

Масалан, «Элтуз» нашри юқоридаги тақиқ тоифаларининг бирортасига кирмайди, аммо ташкил бўлган биринчи кунданоқ маҳаллий провайдерлар томонидан тўсилиб келинади.

Низомга кўра, чекловлар уч босқичда амалга оширилади: тақиқланган ахборот ресурслари аниқланади, улар реестрга киритилади, «чеклаш тадбирлари»га киришилади.

Низомда «қора рўйхат»га тушиш сабаблари  кузатилмаса-да, «Элтуз» нашри биринчи кунданоқ маҳаллий провайдерлар томонидан тўсилиб келинади.

Ўзбекистонда ёпиқ сайтларга прокси орқали киришга аллақачон кўникишган.

«Мамлакатни ишғол қилган Интернетни қандай чеклаш мумкин?» дея ҳайратланади рассом Туз.

Рассом Туз
Eltuz.com

Тағин ўқинг
23 октябр 2015
Акмал Набиев Eltuz.com Бир йил аввал ёзган эканман… У пайтлар дўстларимиз ёзган мақолаларга муносабат билдириб турардим, албатта самимий, чин ...
1 апрел 2018
Бугун хоҳ смартфон, компьютер ёки планшет бўлсин, уларнинг энг мукаммали ва ишончлиси саналган Apple соҳиблари 40 йил муқаддам унга ...
6 май 2016
Умида Аҳмедова ўзининг бир қатор долзарб фотосуратлари ва ўзбек аёлларининг бугунги муаммоларини акс эттирган «Бокиралик юки» фильми муаллифи сифатида ...
6 апрел 2017
Шу йилнинг бошида жаҳон экранларига чиққан «Машхурликка йўл» (Sing) фильми катта ва кичик ёшдаги томошабинларнинг назарига тушди. Фильмда, катта ...
Блоглар
15 ноябр 2018
Ўзбекистонда баъзан «ютуб», баъзан «фейсбук» каналлари узилишидан шикоятлар ортмоқда. 15 ноябрь куни «Элтуз» нашри Downdetector ...
14 ноябр 2018
Таниқли ўзбек диссидент адиби, 67 яшар Мамадали Маҳмудов 13 ноябрь куни Ўзбекистон Миллий ахборот агентлиги ...
13 ноябр 2018
“Бу йил фермерларга ҳар йилгидан кўра оғир бўлди. Уларга нисбатан зуғум ва зўравонликлар кўлами ошса ...