Асосий мавзулар
26 октябр 2018

Пахта-2018: машина уриб кетган «Андижоннома» ходимининг аҳволи оғир

Ҳеч нарса ўз-ўзидан келмайди, жанг қурбонсиз бўлмайди. Мажбурий меҳнат батамом тугатилиши учун яна кимлардир қурбон бўлиши керак шекилли.

Андижон вилояти ҳокими Шуҳрат Абдураҳмоновнинг 19-20-21 октябрь кунлари Қўрғонтепа туманида пахта териб намуна кўрсатгани ортидан вилоятдаги оммавий ахборот воситалари, тўғрироғи, вилоят ҳокимлигига қарашли нашрлар ходимлари пахта теримига жалб этилган.

Шанба, 20 октябрь куни «Андижоннома» бош муҳаррири Саидаҳмад Шукуров пахта теримидан қайтишда хизмат машинасига ўтирмаган. Ходимларини машинасида ҳайдовчиси билан жўнатиб, ўзи ўғли билан йўловчи машинада қайтмоқчи бўлиб турганида ўғли Саиджаҳон Холдоровни «Зил» автомобили уриб юборган. Йигит «Андижоннома» ва «Андижанская правда» газеталарида компьютер мутахассиси бўлиб ишлар эди.

Саиджаҳон зудлик билан Қўрғонтепа тумани шошилинч тиббий ёрдам марказига ётқизилган. Уни марказга, Андижон шаҳрига олиб келмоқчи бўлишган. Бироқ шифокорлар жойидан қимирлатишнинг иложи йўқлигини айтишмоқда. Ҳамкасбларининг сўзларига кўра, йигитнинг аҳволи оғир, ҳали ҳам ҳушига келмаган. Саидаҳмад Шукуров шокда. Бу воқеа ҳоким ва бошқа мутасаддиларга дарс бўладими-йўқми, номаълум.

Чунки пахта теримига мажбурий олиб чиқилиш ҳамон давом этмоқда. Андижон туманидаги айрим мактабларнинг синф раҳбарлари ўқитувчилар пахтага чиқмаслиги учун теримчи ёллаш мақсадида ўқувчилардан 10 минг сўмдан пул йиғмоқда.
Ўқитувчилар ўқувчиларга «ота-онанг дам олиш кунлари пахтага чиқиб берсин», деб айтмоқда.

Шоҳида Саидова,
андижонлик блогер,
Eltuz.com

Тағин ўқинг
3 апрел 2017
Россия миллионлаб ўзбек муҳожирларининг иккинчи уйига айланди. Улар йиллар давомида шу мамлакатда ишлашмоқда ва яшашмоқда. Ижтимоий тармоқдаги баҳсларга кўз ...
5 январ 2017
Биз 2016 йил давомида ўзбек матбуотини имкон қадар кузатиб боришга ҳаракат қилдик. Мазкур кузатишларимиз асосида матбуотимизнинг ўтган йилги фаолиятини ...
22 феврал 2017
63 ёшли сиёсий маҳкум Муҳаммад Бекжон қамоқ муддатини тўлиқ ўтаб бугун озодликка чиққани инсон ҳуқуқи фаолларининг қувончига сабаб бўлмоқда. ...
31 январ 2018
МХХнинг собиқ раиси Рустам Иноятов президентнинг сиёсий-ҳуқуқий масалалар бўйича давлат маслаҳатчиси этиб тайинланган. Ўзбекистон президентининг МХХ ва прокуратура ходимлари ...
Блоглар
15 ноябр 2018
Ўзбекистонда баъзан «ютуб», баъзан «фейсбук» каналлари узилишидан шикоятлар ортмоқда. 15 ноябрь куни «Элтуз» нашри Downdetector ...
14 ноябр 2018
Таниқли ўзбек диссидент адиби, 67 яшар Мамадали Маҳмудов 13 ноябрь куни Ўзбекистон Миллий ахборот агентлиги ...
13 ноябр 2018
“Бу йил фермерларга ҳар йилгидан кўра оғир бўлди. Уларга нисбатан зуғум ва зўравонликлар кўлами ошса ...