Фермерларни сувга бўктирган Зойир Мирзаев ишдан олинди

Президент Мирзиёев 29 октябрь кунги фармойиши билан бош вазир ўринбосари Зойир Мирзаевни ғалла экиш ва суғориш ишларини ташкил этиш жараёнида жиддий камчиликларга йўл қўйгани учун ишдан олди.

Тошкент вилоятининг Оққўрғон туманида ҳокимлик мулозимлари ва фермерлар билан учрашган Зойир Мирзаев 25 октябрь куни 6 нафар шахсни ариқдаги сувга тушириб, далада қўлига тош ушлатиб, кейин эса автомобиль олдида шалаббо ҳолда югуртириб сазойи қилган эди.

Фермерларнинг буғдойга сув қуймагани учун сазойи қилиниши ортидан ижтимоий тармоқ фаоллари #ariqchallange хештеги остида флешмоб бошлашганди.

Зойир Мирзаев бу йилги «мажбурий меҳнат муаммолари бўйича» ишдан олинган энг катта давлат мулозимидир.

Рассом Туз
Eltuz.com