Асосий мавзулар
28 ноябр 2018

Қўшиқчи Севара Назархон «сунна тиббиёти»ни реклама қилмоқда

Таниқли ўзбек хонандаси Севара Назархонни маҳаллий ТВда ва бошқа жойларда намойиш этилаётган реклама роликларида кўп учратиш мумкин. Унинг ҳамма танийдиган чеҳраси шаҳардаги баннерлар, турли ОАВларнинг реклама буклетларини безаб турибди.

Сўнгги вақтларда эса ижтимоий тармоқлар фойдаланувчилари Севаранинг интернет, жумладан, Инстаграмда кучайиб бораётган бир реклама фаолиятига эътибор қаратмоқда. Яъни у “араб тиббиёти” ва “сунна бўйича яшаш”ни зўр бериб тарғиб қилмоқда, деб ёзди “Азия Терра” Интернет нашри.

Сунна бўйича яшаш деганда Қуръон ақидалари ва ислом дини асосчиси ҳаётига мос равишда яшаш тушунилади.

“Сунна бўйича яшаш”нинг асосий маҳсулотларидан бири сифатида Севара, масалан, “Талбина” (сули унига сут ва асал қўшиб тайёрланадиган тўйимли егулик)ни реклама қилмоқда. Хонанданинг Инстаграмдаги ёзувларига қараганда, бу унинг укасининг бизнеси ва таниқли опа унга ўз маҳсулотларини истеъмолчиларга тарғиб қилишга ёрдам беряпти.

Шарҳ қолдираётганларнинг аксарияти Севара Назархон каби юксак мақомдаги машҳур кишилар учун сохта маънавият (оддий қилиб айтганда, алдамчилик, лўттибозлик билан пул ишлаш) бегона эмаслигини афсус билан таъкидлашмоқда.

“Илгари руҳонийлар ибодатга келувчиларга қандайдир шақилдоқларини сотган бўлса, энди оддий тадбиркорлар ҳам сизни айнан унинг маҳсулотини сотиб олиш худога ёқадиган ҳақиқий ишлигига ишонтириш учун ўз маҳсулотларини тиқиштирмоқда,- деб ёзди ўзининг ФБдаги саҳифасида филолог Рафаэль Сатторов. – Мени таниқли ва талантли хонанда Севара Назархон ўз Инстаграмида блоклаган кунларга ҳам етиб келдим. (…) Мен у ерда диний мавзуда ўзини пиар қилиш ва “Талбина” номли фейк лохотронни реклама қилиш талантли актрисага ярашмайди, деб ёзгандим. Айтсам ишонмаймиз, “Талбина” маҳсулотини сотиб олиш ва истеъмол қилиш сунна бўйича яшашни англатар экан. Бунақа амални мен аввал эшитмагандим, аммо ажаблантира бошлаяпти”.

Яна Рафаэль Сатторов: “Биз уларнинг рекламадан пул топишини эмас, балки савдо-сотиғида дин мавзусидан юзсизларча фойдаланаётганини қоралаётирмиз. Ҳа, дин ва сиёсат аралашиб кетганда инквизиция бошланади, деб Камью тўғри айтган эди”, деб қўшимча қилди.

Фойдаланувчиларнинг билдиришича, Севара Назархон фақат унинг ёзганларини мақтаётган шарҳларни қолдириб, танққидий кайфиятдаги муаллифларни блокламоқда.

Бироқ “мўмина”лик хонанданинг ўз танасига турли татуировкалар чиздиришига (“Ўзбекнаво” менталитетга “мос келмайдиган” бундай ўзини намоён этишларга қандай муносабат билдиришини билиш қизиқ бўларди) монеълик қилмаган, дея таъкидламоқда муҳокама иштирокчилари.

Айтиш керакки, айни пайтда унда татуировкалар бўлмаслиги ҳам мумкин. Аввалроқ Севара Назархон улардан қутулишга уринаётгани ҳақида хабарлар тарқалганди.

Тағин ўқинг
7 июн 2018
Учкўприк тумани ҳокимлиги мажлислар залида Халқаро меҳнат ташкилоти эксперти Светлана Егорова иштирокида мажбурий меҳнатнинг олдини олиш масалаларига бағишланган семинар-тренинг ...
2 сентябр 2016
Самарқанд марказидаги қабристон Ўзбекистонни 27 йил бошқарган марҳум ҳукмдорни дафн қилишга ҳозир. Ўзбекистондаги ”Eltuz” мухбирига кўра 1 сентябрдан бери ...
22 май 2016
Ўғузхон номидаги Туркманфильм киностудияси бошлиғи Сапармуҳаммад Жоллиев ўтган ҳафта “ишда йўл қўйган камчиликлари” сабабли ишдан бўшатилди. Бу ҳақда Туркманфилм ...
23 феврал 2016
Рассом Элсевар ўзбекистонлик қарияларнинг пенсияларини пластикка ўтказиш билан боғлиқ ижтимоий муаммоларини ҳажв мўйқаламига тортишда давом этади. Дўконларда, ёзилмаган қоидаларга ...
Блоглар
18 декабр 2018
Халқ таълими вазири Шерзод Шерматов жойлардаги ўз қўл остидаги раҳбарларга хат йўллаб, бир неча талабларни ...
18 декабр 2018
Бундан роппа роса 32 йил олдин 1986 йилнинг 17-18 декабрь куни Совет раҳбарияти Олмаота ëшларининг ...
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...