Кўзқараш
1 май 2015

Рўзи Назар – бизга яловбардор эди

Бугун оламдан ўтган Рўзи Назар ака биз каби темир парда ортида яшаган туркистонликларга таъсир ўтказган яловбардор эди.

У киши чоп этган «Ҳур Туркистон учун истиқлол газетаси» ни ҳали Совет Иттифоқи мавжуд бўлган саксонинчи йилларда Урганчдаги рассом дўстларим билан яширинча мутоала қилар эдик.

Ғарбий Германияда нашр қилинган бу газета бизга Венгрия ва Болтиқбўйидаги рассом дўстларимиз орқали етиб келар эди.

Биз илк бор дастасида бўри шакли бор йўл йўл туркистон байроғини ана шу газетада кўргандик.

Рўзи Назар ака Совет Иттифоқи деган мамлакатда кўзи кўр қулоғи кар тили лол бўлиб яшаган зиëлиларнинг зеҳнига таъсир қила олган эди.

Рўзи ака баҳтли инсон. У СССРнинг парчаланиши¸ большевизмнинг мағлуб бўлиши Туркистон тупроқларнинг руслардан озод бўлишини орзу қилди ва бу орзусига эришди.

Марҳум закий инсон эди ва у кишининг умри мазмунли ва дедектив фильм каби қизиқарли кечди.

Бу расмдаги кўзойнакли киши Рўзи Назар бўлади. Рўзи Назарнинг қизи Зулфия (Силвия) Назар Ҳолливуддаги энг машхур ëзувчилардан биридир.

Рўзи аканинг яқинларига ҳамдардлик билдираман ва Туркистон ботири бўлган бу оғамизнинг жойлари жаннатдан бўлсин дея дуо қиламан.

Шуҳрат Бобожон,
Eltuz.com

Тағин ўқинг
4 июл 2017
Шифокорлар далаларда ишлашга мажбур этиларкан, шифохоналарда беморлар ҳаёти учун таҳликали вазият юзага келади. 28 июн куни Брюссел анжуманида эълон ...
24 май 2016
«Миллий тикланиш» партияси «ёшларнинг Ватанга муҳаббатини ошириш», «уларни миллий истиқлол ғоясига садоқат руҳида тарбиялаш»га қаратилган кўпдан-кўп тадбирлари қаторида «Президент ...
22 апрел 2017
Россиялик мухолифатчи блогер Алексей Навальнийнинг фикрича, таги ўзбекистонлик бўлган миллиардер Алишер Усмонов турли йўллар билан пора берганини яширмоқчи. Апрел ...
19 апрел 2017
Баҳодир Содиқов 1959 йилнинг 19 апрелида Хоразм вилояти, Шовот туманида туғилди. Тошкент давлат университети (ҳозирги ЎзМУ) журналистика факултетида ўқиб ...
Блоглар
16 октябр 2017
Ҳар дам олиш кунлари Тошкентдаги турли вазирликлар, давлат қўмиталари, сон-саноқсиз бюджет ташкилотлар олди эрта тонгдан ...
13 октябр 2017
9 октябр куни Ўзбекистон бош вазири ўринбосари Танзила Норбоева, (фото: чапдаги расм) nuz.uz нашри орқали ...
9 октябр 2017
«Талқончи» нон ушатишда давом этади… Ўзбек махбуслари учун чақимчи камерадош билан яшаш қандай ёқимсиз… Собиқ ...