Кўзқараш
25 сентябр 2015

«Юртбошига раҳмат, тинчлигимизни сақлаб турибди…»

– Дунёда икки юздан ошиқ давлат бор, деярли барчасида тинчлик, саноқли давлатлардагина маълум сабабларга кўра нотинчлик холос. Юртимиз юз йиллар давомида тинч, Худога шукур. Бунга асосий сабаблардан бири юртимиз аҳолиси тинчликпарвар ва меҳнатсеварлигида.
– Энди катта давлатни шунчалик бошқариб туриши ҳам катта гап. Давлат ҳам бир оила каби, давлат раҳбари эса оиланинг отасидир.
– Мана сизга бир мисол, ўзингиз айтгандек бир оиланинг болалари қўшнилариникида қорин тўйдириб юрса, оилани яхши бошқара олмаётган каттаси бўлмиш отага иснод эмасми?
– Энди шунча одамни бошқаришни ўзи бўлмайди-да.
– Эплай олмаса ўрнини бўшатиб қўйсин, бошқара оладиган инсон ўтирсин курсига.
– Эплаяпти, ҳамма айб атрофидагиларда, сайлаб қўйган ҳокимлари учун у одам жавоб бермайди-ку ахир?!
– Ия, унда у кишимнинг вазифалари нимадан иборат? Ўзининг қўл остидагиларни назорат қила олмаса, қандай қилиб бутун бошли давлатни бошқаради?
– Мана аста-секин ўзгаришлар бўлаяпти-ку, ҳали ҳаммаси яхши бўлиб кетади. Мустақил бўлганимизга эндигина йигирма беш йил бўлди холос.
– Мана сизга бир мисол, қўшни Қозоғистон ҳам биз билан тенг мустақил бўлган, ривожланишда биздан қанчалик илгарилаб кетганини биласизми? Фуқаролари бизга ўхшаб хорижда сарсон бўлиб юргани йўқ.
– Қозоғистон бунга мисол бўла олмайди. Қозоғистоннинг ери кўп, кейин аҳолиси ҳам бизникидан оз.
– Яхши, унда сизга бошқа мисол, Япония аҳолиси биздан тўрт марта кўп, ери эса бизникидан анча кичик, ер ости қазилма бойликлари ҳам йўқ ҳисоби. Келинг унда Япония билан солиштирамиз, ёки Жанубий Корея билан…
– Хўп, мақсадга ўтинг, нима демоқчисиз ўзи?
– Айтмоқчиман-ки, дунёда икки юздан ортиқ давлат бор, уларни эса бизнинг юртбоши бошқармайди, шундай бўлса ҳам ҳамма жойда тинчлик, ҳамма жойда фаровонлик ҳукмрон. Демак, бизнинг юртбоши бўлмаса ҳам тинчлик бўлаверар экан, бизнинг юртбоши бўлмаса ҳам кимдир чиқиб халқини бошқараверар экан. Мана чорак асрдан бери бу кишимга имконият бердик, ҳеч нарсани уддалай олмади, ўрнини бўшатиб қўйиш фурсати келмадимикан?
– Хабарингиз бўлмадими, долларнинг курси қанча бўлибди?
– Нима дедингиз???

(техник нокаут)

Акмал Набиев,
www.eltuz.com

Тағин ўқинг
2 ноябр 2015
Улуғбек Ашур Eltuz.com АҚШ давлат котиби Жон Керри ва Ислом Каримовга «ноқулай» савол берган журналистларнинг матбуот анжумани ўтаётган залдан ...
28 май 2016
«Халқ сўзи» газетасининг ёзишича, Тошкент вилояти бўйича 1158 нафар маҳалла фуқаролар йиғини раиси ва уларнинг 11 мингдан зиёд маслаҳатчиларини ...
6 январ 2017
Фарғона вилояти бош нашри “Фарғона ҳақиқати” солиқ, оқава сув ва электр энергиясидан қарздорлар рўйхати ва мавзуга оид мақолаларни эълон ...
9 август 2016
Давлат тадбирларида тор чалинмаслиги лозимлиги тўғрисида тавсиялар берилганини айтган Озодлик радиосига кўра, Ўзбекистонда тор чалиш бўйича махсус таълим тўхтатилган ...
Блоглар
19 июн 2017
Ўзбекистон президенти Шавкат Мирзиёев яқинда Тошкентда дин арбоблари, жамоат ва давлат идоралари вакиллари билан ўтказилган ...
9 май 2017
Болалигимизда Дўстжон дадамнинг Улуғ Ватан уруши иштирокчиси эканлигидан фахрланардик. Ҳар 9 май байрами арафасида дадамни ...
8 май 2017
3 май – Жаҳон матбуот эркинлиги кунига бағишлаб “Олтин қалам” мукофотларини топшириш маросими журналистлар ва ...