Кўзқараш
26 сентябр 2015

Тескари гапирарлар мамлакатида

Нафақат кўрганлар, бизга ўхшаб кўра олмаганлар ҳам эшитиб оғзимиз очилиб қолди.
Ўша кўрсатувда бир гуруҳ ўзбек болалари .., ҳа-я , истеъдодли болалари ўз маҳоратларини намойиш қилибди.

Кўриниш мана бундай:

Кўрсатувни олиб бораётган тоға ёки амма болаларга бир сўз айтади, чақилмаган данакдек бўлиб ўтирган вундеркиндлар бошловчи оғзидан чиққан сўзни дарҳол тескарисига ўгириб ёқасига ёпиштиради. Қалай, қойилмисиз?

Ана сизга истеъдод, мана сизга додъетси. Бу болаларнинг келажаги юксак!

Эҳ-ҳе, бугун шу ёшида битта-иккита сўзни терс ўгирадиган бўлибдими, эртага шеърни тескарисига ўгиришни ўрганади, кейин ҳикояни…

Бориб-бориб катта романларни, уч-тўрт томлик китобларни шариллатиб тескари ўқийдиган азаматлар бўлиб етишади. Ким тез тескари ўгириш бўйича халқаро мусобақалар ташкил қилинади, миллий курашга ўхшаб.

Қарабсиз-ки ўзбек ёшлари жаҳонда етакчи. Тасаввур қилинг Африканинг қайсидир давлатида тескари гапириш бўйича жаҳон чемпионати ўтказилмоқда, «Алпомиш» достонини тескари ўқиб берган юртдошимиз Зўрбўлмиш Келкўрмишоп олтин медаль билан тақдирланиб унинг шарафига мадҳия тескари куйланса (Мусобақа регламентига кўра мадҳиялар тескари куйланиб, байроқлар пастга туширилади). Ундан кейин электр ҳисоблагични тескари айлантириш бўйича яна бир юртимиз вакили, қайсидир туман электр таъминотида ишловчи монтёр Кўзбойлар Пулпойлароп шохсуппага кўтарилади .

Кўрдингизми, юртни фақат илм-фандаги ёки иқтисодиётдаги ютуқлар билан эмас, тескари ишларни қилиб ҳам оламга танитиш мумкин.

Акмал Набиев,
www.eltuz.com

Тағин ўқинг
14 март 2023
Салом қадрли мухлислар бугун 13 инчи март, студияда Қудрат Бобожон, эътиборингизга Элтуз «600 секунд»нинг  навбатдаги сонини тақдим этади.+++Бўкада бир ...
3 апрел 2018
Миллий хавфсизлик хизматининг меросхўри бўлган Давлат хавфсизлик хизмати ҳали ҳам мухолифатни мавжуд ҳокимиятнинг душмани деб билади. ДХХ раиси Ихтиёр ...
19 август 2019
«Жамол ака менга бақрайиб туриб, бирданига кулиб юборди. – Нимага куласиз? – деб сўрадим Жамол акадан. – Мелиевнинг хона ...
29 март 2016
Sputnik интернет нашрининг Хусусийлаштириш, монополиядан чиқариш ва рақобатни ривожлантириш давлат қўмитасидаги манбага асосланиб билдиришича, Ўзбекистонда 2016 йилнинг биринчи чорагида ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...