Кўзқараш
3 октябр 2015

«Ҳамма янтоқ теримга!»

Кеча бозорга боргандим дигин, катта ровотни бекитиб Истам исваркачи исварка қип ташапти, катта биноларди тепасига «Барча янтоқ теримига», «Янтоқ бизнинг ғуруримиз, фахримиз, бойлигимиз» диган шиёрлар ёпиштирип ташабти.

Одамларам кам, ияғини сўрасенг милисалардиям янтоқ теримига опкетишипти. Бир пайт қизиғ бўлди, анови эри йўғ аёллар яшейдигон домди ёнидан ўтятсам Улиқ учаскавой увазигида кеппоса бўлами. Мен ўйлаппан яна бирарта бечара адашип домга кеппоган бўса шантаж қилишса кераг деп.

Йўғ, унақамасакан, Улиқ билан яна битта милиса бирпасда домдаги аёлларди дод-войига қарамай ўнтачасини увазигди орқасига босип оп кетти, бирэкта аёллар пана пасқамда яшинип қоп кетишти, кийин секин гапига қулағ сосам, умрида қўлини совуғ сувга урмаган оқбилагойимларди аши кетишта янтоқ ҳашарга олип кетишипти.

Ҳа, ҳукуматтиям калласи ишлейди омалекигин , ўзи кийинги пайтта одамлар янтоқ теримидан раса безиллаппогандида . Ҳич ким теримга чиқмей, планлар тўлмей пракурордан сўкиш эшитўрип пермерларди кўзини қорачиғи битта томонга ўтипполодида. Мана энди ширага япишкан пашшага ўхшап кўчадеги бекарчиларам янтоқ баҳона дийдор ғанимат дип талани бир чеккасига капа тикишади.
Аши кетишта кетяптурсам дигин экта жарчи манағ дип бақирип ётипти:

  • Одамлар-у одамлар,
    Ғаниматдир бу дамлар,
    Ҳамма янтоқ теримга,
    Босиб катта қадамлар.

Янтоқчилик ғоямиз,
Биз янтоқни суямиз,
Ким янтоққа тош отса
Кўзларини ўямиз.

Янтоқ керак давлатга,
Биз тайёрмиз хизматга.
Янтоқ терим биз учун,
Айланган урф-одатга.

Янтоқ бизга сиёсат,
Янтоқ бизга бахт-омад.
Янтоқ сотиб фермерлар,
Қилар катта даромад.

Одамлар-ей одамлар,
Жаноблар-у мадамлар.
Эшитмадим деманглар,
Сўнг балога қолманглар.

Йўлвошидан буйруқ бор:
Далага чиқ, янтоқ тер!
Ким сўзимга кирмаса,
Жазоласин прокурор!
Машнақа гаплар, майли болам, менам тезрағ талага борей, почтачи пенсани янтоқзорда тарқатяптийкан, қоғанини кийин гаплашамиз.

Акмал Набиев,
Элтуз блогери

Тағин ўқинг
23 ноябр 2016
2016 йил 19 ноябрь Ўзбекистонлик мустақил журналист Жамшид Каримов 2012 йил январидан бери шу кунгача Самарқанддаги психиатрия касалхонасида мажбуран ...
4 октябр 2016
Яқинда ҳаммаси зўр бўлади! Сизга рахмат Шавкат ака! Ўзбек интернет сегментида келгусидаги ижобий ўзгаришлар ва уларга янги ҳукумат эришиши ...
26 сентябр 2017
Шавкат Мирзиёев иқтидорга келгач, Россиялик ўзбек миллиардерларининг мамлакатга келиб бизнес бошлаётгани кузатилмоқда. Алишер Усмонов, Искандар Маҳмудовлар ортидан яна бир ...
29 феврал 2016
Ўзбек газеталарини ўқиркан, тағин ташвиқот пардаси ортидаги жамият муаммолар, вақтида берилмаётган иш ҳақи, матбуотда урчиётан ёлғонлар, синаётган корхоналар ва ...
Блоглар
23 октябр 2017
Совет Ўзбекистонини узоқ йиллар бошқарган Шароф Рашидов шахсига ҳар хил баҳо бериш мумкин. Кимдир уни ...
20 октябр 2017
«Айтдим-ку, юқорининг буйруғи билан сизларга шу айбларни қўйишга мажбурмиз, деб. «Ким ўша юқоринг? Каримовми?» Менинг ...
16 октябр 2017
Ҳар дам олиш кунлари Тошкентдаги турли вазирликлар, давлат қўмиталари, сон-саноқсиз бюджет ташкилотлар олди эрта тонгдан ...