Кўзқараш
9 октябр 2015

«Тошингни тер Шаймардонов!»

Журналистларнинг Ўзбекистондаги кўп жиддий ўзгаришларни тушунишлари қийин бўлиб қолди. Айниқса, “бирор фикрингни билдиришдан олдин раҳбарият олдига чиқиб руҳсат” олиш кераклиги ҳақидагисини.

Бу гапни Озодликка раддия берган Халқ таълими мудири Тўра Шаймардонов айтди. У халққа шундай таълим беради.

“Киндик қонимиз Ўзбекистонга тўкилган, шундайми” деркан, журналист опамиз “Ҳаммамизники…” дея бош ирғайди. Шаймардоновнинг раддиясини эълон қилган ҳамкасбим Замирахон ҳам менинг ақлим етмаган бир синоатларни билади.

Мана, денгиз тубидаги майда тошларни ҳам кўра оладиган ғаввослар пахтага чиқди. Улар ҳам футболчи, киночи, имом ва фоҳишалар ортида қолган қутган пахтани териш учун, бугун қоматларини нозик позага келтириб тизилишлари керак.

Хўжайиннинг келишига қараб чаноқларга пахта ёпиштирилган бўлса-ку майли, нимадир териб беришади, бўлмасачи? Бу шаввоз ғаввослар ҳам ўзларидан илгари ўтганлар удумини тутиб “юқоридаги окалари”га қуруғидан қистиришадими?

Шаймардонов “Ўзбекистон шаънига тош отган”, яъни унинг туманида “6-синф ўқувчилари пахтага чиқаётгани” ҳақидаги гапни радиога узатганларни Халқаро судга бермоқчи. Ўз номидан эмас албатта… Ўзбекистон халқи номидан.

Ўқитувчидан интервью олган Эшонқулованинг гапларини у “туҳмат ва уйдирма” дея атаб, бундай одамларни “қаердаги, ўзининг туғилган жойини, отаси, онаси кимлигини билмаган манқурт, сотқин, хоин, туҳматчи, иғвогар” деб атайди.

Мана бир вақтлар қўйдай беозор теримчи Қўчқор ака ҳақида ажойиб фильм яратган кинорежиссер ҳам қўйдай бўлиб индамай пахтасини тераяптику…

“Бу инсонларнинг нима ҳаққи бор Ўзбекистонга тош отишга”, дейди Шаймардонов.

Шу ерда тағин тош ҳақида ўйлаб қолдим.

Учинчи рейх лагерларида маҳкумларнинг руҳини синдириш учун мантиқсиз ишларга жалб этишаркан.

Масалан, оғир тошларни бир манзилдан иккинчисига ташиб, кейин ўша тошларни қайтариб аввалги жойига келтириш. Узлуксиз бу иш қилингач, ақли бор одам тошни четга ирғитиши турган гап… Мана қандай аниқлаш мумкин душманни!

Жиддийроқ айтадиган бўлсак. Чаноқлардан минг азоб билан териб олинган пахтани ПВА клей олиб тағин ёпиштириб чиқишда, кейин яна уларни териб олиб ўша чаноқларни кўришга келадиган бош вазирга топширишда ҳам айни мантиқ бор.

Шаймардонов фақат бир нарсада ҳақ “Бугун Ўзбекистонда бўлаётган ўзгаришларни келиб кўрадиган киши, кўзини очиб келиб кўриши керак!”

Гапнинг пўсткалласи, халқ ўзгаришларни кўрганида “Тошингни тер Шаймардонов!” деган бўларди. Бунинг учун раҳбариятнинг руҳсатини ҳам сўраб ўтиришмасди.

Қудрат Бобожон,
www.eltuz.com

Тағин ўқинг
27 январ 2016
Eltuz.com сайти, шу кунларда шов шуви Ўзбекистондан ташқарига чиқиб, дунё арманларини хам хавотирига сабаб бўлаётган “Жиззахлик фермер Арамаис Авакян ...
6 апрел 2017
Президент Мирзиёевнинг «Ўзбекистон» ва «Ёшлар» телеканалларини, хусусан, «Ахборот» кўрсатувини «ура-урачилик замони ўтгани» тўғрисида огоҳлантиргани ортидан ўзбек оммавий ахборот воситаларида ...
15 май 2018
Мирзиёевнинг АҚШга сафари арафасида қамоқдан озод этилган ўзбек фаоли Фаҳриддин Тиллаев, халқаро ташкилот вакиллари билан учрашувда эркинликлар ва мухолифатга ...
30 август 2018
Сентябрь келиб, Мустақиллик шарафига карнай-сурнай, мактабларда биринчи қўнғироқ, ўқиш бошланиши кетидан мамлакатда пахта терими бошланади. Нафақат фермерлар, балки ўқувчи, ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...