Кўзқараш
15 октябр 2015

“Пахта қўйиш” кампанияси

Бундан бир қанча муддат аввал Фарғона вилоятига бош вазир келиши муносабати билан пахта далаларида терилган пахта қайта чаноқларга ёпиштириб чиқилаётгани «Озодлик»да, бир қанча русча сайт ва телевиденияларда овоза бўлди. Хабарга воқеа жойидан олинган расм ҳам илова қилинди-ки, баъзилар айтаётгандек бу уйдирма эмаслиги аён эди. Аммо шунда ҳам кимлардир ишонгиси келмай турибди.

Мен сизларга бундан олти-етти йилча аввал Шаҳрихон туманида бўлган шунга ўхшаш воқеа манзарасини атрофлича чизиб бераман.

Ўшанда ҳам куз пайти, пахта терими авжида эди, президент келиши муносабати билан Андижон-Қўқон йўли бўйидаги бир фермер еридан пахтасини тердирмай кўргазма учун сақлаб туришади. Президентнинг келиши ҳам кечикиб кетади. Пахта етилиб, ўз вақтида терилмагани учун чаноқдан тушиб кета бошлайди (Пахтакорлар билади, ўз вақтида терилмаса пахта чаноқдан тушиб кетади, биз томонларда буни «пахта оқиб кетди» дейишади). Ана шунда теримчи аёлларга «оқиб кетган» пахтани яна қайта чаноққа жойлаб чиқиш буюрилади. Бу бўлган воқеа.

Фермер бечора ҳам шошиб қолганидан дала четига минбарсифат айвон ясатиш учун ўша пайтда йигирма миллион сўм сарфлайди. У айвон ҳозир ҳам Андижон-Қўқон йўлида турибди адашмасам. Тўртта темир устун устига ўрнатилган томдан иборат бостирма. Бир тийинга қиммат, кераксиз жойдаги кераксиз иншоот.

Ўшанда президент келиши муносабати билан ўша атрофдаги эгали-ю, эгасиз дайди итларгача йўқотилган эди (Товба, итдан ҳам шунчалик қўрқадими одам деган?). Яқин атрофдаги қатнов йўллари бир неча кун олдиндан беркитилиб қўйилгани сабаб Андижон марказига борувчи фуқаролар анча азият чекишган эди. Айтсам ишонмайсиз, миршаблар кўчада кира қилиб юрган юк машиналарини ҳам ушлаб машинасини бир неча кунга тортиб олиб қўйишган эди (Товба, юк машинасидан ҳам шунчалик қўрқадими одам деган?).

Шунча қийинчилик, шунча дабдаба, шунча овворагарчиликдан кейин, қайсидир куни президент келиб ўша айвончада беш дақиқа турган ё турмаган, пахта даласига қараб ҳам қўймаган…

Мен билганимни ёздим, хоҳ ишонинг, хоҳ ишонманг, ихтиёр сизда.

Анвар Набиев,
Eltuz.com

Тағин ўқинг
1 декабр 2016
«Миллий тикланиш» газетаси (30.11) шу номдаги партиядан Ўзбекистон президентлигига номзод этиб кўрсатилган Сарвар Отамуродовнинг сайловолди учрашувлари якунига бағишланган каттагина ...
7 феврал 2017
Шу кунларда ҳокимлар, президентнинг вилоятга қачон келиши хақида фол очишмоқда. Мирзиёевнинг истаган вақт, истаган ҳудудни бориб кўриш хоҳиши, вилоят ...
3 ноябр 2016
Кейинги йилларда Ўзбекистонда пахта йиғим-терими даврида мажбурий меҳнат мониторингини амалга ошириб келаеётган Халқаро Меҳнат ташкилоти (ILO) кузатувчилари муаммолар анча ...
3 апрел 2017
Россия миллионлаб ўзбек муҳожирларининг иккинчи уйига айланди. Улар йиллар давомида шу мамлакатда ишлашмоқда ва яшашмоқда. Ижтимоий тармоқдаги баҳсларга кўз ...
Блоглар
22 май 2018
Президент Мирзиёевнинг Андижонга сафари шаҳарни бегона кўзлардан тўсиш, ошиқча эҳтиёт чоралари ва мулозимларнинг одатий лаганбардорликлари ...
22 май 2018
Президент келиб кетгач, андижонликлар енгил нафас олишди. Бугун менимча раҳбарлар ҳам тўйиб ухлашган бўлишса керак. ...
18 май 2018
Президент Мирзиёевнинг умр йўлдоши Зироатхон Ҳошимованинг Вашингтондаги Оқ уйда тушган фотосуратлари ижтимоий тармоқларда тарқалди. Улардан ...