Асосий мавзулар
31 март 2016

Немис матбуоти Штайнмайернинг Ўзбекистонга сафари ҳақида

Унинг илк бекати, Ўзбекистон пойтахти Тошкентда мамлакат президенти Ислом Каримов билан учрашди.

Штайнмайернинг Тошкентга ташрифи бир қанча немис ОАВ жумладан ZEIT Online, Deutsche Welle, Neue Presse Пассауэр, Augsburger Allgemeine ва N24ларда ёритилди.

Барча мақолаларда, Штайнмайер президент Каримовни «инсон ҳуқуқларини яхшилаш»га чақириши кераклиги айтилди. Немис матбуоти, 78-ёшли президент Каримов ҳокимият тепасида 1992 йилдан буён тургани ва мамлакатда фундаментал инсон ҳуқуқлари жиддий бузилаётгани боис ҳалқаро ҳамжамиятнинг танқидларига учраётгани ёзди.

Deutsche Welle Хьюман Райтс Вотч ва Amnesty International ҳисоботларига таяниб Ўзбекистоннинг инсон ҳуқуқлари соҳасидаги аҳволини батафсил таҳлил қилди. Ҳуқуқ бузилишларига мисол тариқасида, ҳисоботларда ўзбек турмаларида қийноқлар, мухолиф сиёсий гуруҳларга қатағонлар кенг қўлланилаётгани, шунингдек ҳар йили пахта мавсумида мажбурий меҳнатдан фойдаланилиши айтилган.

Deutsche Welle шунингдек режадагидан икки баробар узоқ чўзилишига қарамай, учрашув охирида матбуот анжумани ўтказилмаган Штайнмайер ва Каримов музокараларида шаффофликнинг йўқлигини танқид остига олди. Deutsche Welleга кўра, Германия президенти Гаукдан фарқли, Германи ТИВ танқидни контрпродуктив ҳисоблаб, очиқ танқидлардан қочиб келади.

Немис матбуотидаги бошқа бир урғу исломий терроризмга қарши курашга қаратилган. Айни мавзу Штейнмайернинг Марказий Осиёнинг мусулмон мамлакатларига сафарининг асосий мавзусидир.

Исломий давлат (IS) Марказий Осиёдан жангарилар ёлламоқда. Исломий террорчиликка қарши ҳамкорликдаги кураш, ташқи ишлар вазири Штайнмайернинг минтақани «стратегик муҳим» деб билишининг асосий сабабидир. Шунга қарамай, немис ОАВ, жумладан ZEIT Online, Пассауэр Neue Presse ва Lübecker Nachrichten, ҳуқуқ ҳимоячилари президент Каримовни исломчиларга қарши курашдан ўзбек аҳолисига қатағонларни оқлаш учун фойдаланаётгани ҳақидаги танқидларини қайд этишди.

Шундай қилиб, ҳуқуқ ҳимоячилари, Ўзбекистон ҳуқумати, қисман бўлсада, ўз фуқароларининг радикаллашувига сабабчи эканини айтмоқда, дея ёзди Deutsche Welle 2016 йил 30 март куни.

Немис ОАВ шунингдек, Штайнмайернинг минтақанинг «улкан иқтисодий имкониятлари ва барқарорликка ҳавфнинг юқорилиги» ҳақидаги гапларини келтирди. Шунингдек, Россия, Хитой ва Эрон ўртасидаги Ўзбекистоннинг геостратегик позицияси, минтақада немис ўзаро ҳамкорлигининг муҳимлигини англатади.

Eltuz.com

Тағин ўқинг
6 октябр 2016
Айни кунларда 4 декабрда бўлиб ўтадиган Ўзбекистон президенти сайловига иштирок этиши кутилаётган номзодлар учун сайловчилар имзосини тўплаш жараёни бормоқда. ...
6 март 2017
Алексей Навальнийнинг маълумотларига кўра, Дмитрий Медведевга алоқадор жамғармалар ҳисобига “камида 70 миллиард рус рубли ҳажмидаги маблағ ва мулк ўтказилган». ...
14 апрел 2016
«Ҳуқуқ олами»да газетасида эълон қилинган интервьюсида таниқли режиссёр Зулфиқор Мусоқов «ўзбек киносининг, аниқроғи, «Ўзбекфильм»да ишланган кўпгина асарларнинг ҳозирги аҳволини… ...
22 декабр 2017
Марҳум президентнинг жияни Жамшид Каримов ҳақида тасвирлар олаётган журналист Улуғбек Ашур 22 декабрь куни фильм трейлерини тақдим этди. У ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...