Дайжест
12 апрел 2016

Хорижга чиққанни тиббий кўрикка мажбурлаш қонунийми?

Тез-тез хорижга чиқиб турадиган фуқарони профилактика инспектори тиббий комиссиядан ўтишга мажбурлаганига оид масалани ўрганган «Адолат кўзгуси» газетасининг ёзишича, милиция вакилининг бундай талаб қўйишга ҳақи бор. Бунда у «Ҳуқуқбузарлик профилактикаси тўғрисида»ги қонуннинг 10-моддаси талаби асосида иш юритади.

Бундан ташқари, газета Ўзбекистонда ҳозир доимий яшаш жойида узоқ муддат бўлмаган шахсларни ВИЧ инфекцияси бобида текширишни ўз ичига оладиган тиббий кўрикдан ўтиш амалиёти қўлланаётганини ҳам маълум қилади.

Тўғри, газета ҳуқуқбузарлик профилактикасини амалга оширишда шахснинг ҳуқуқлари ва эркинликлари чекланишига йўл қўйилмаслиги, бундай ҳолатда тегишли идораларга мурожаат этиш имконияти мавжудлигини ҳам билдиради.

Аммо қонуний равишда хорижга чиқишнинг ҳуқуқбузарлик профилактикасига, қолаверса, тиббий кўрикка мажбурлашга қандай алоқаси борлигига ойдинлик киритилмаган.

Бунинг устига, милициянинг фуқаро соғлиғига тиббиёт мутасаддиларидан, шахснинг ўзидан ҳам кўпроқ «жон куйдираётгани» ҳам бирмунча шубҳали туюлади.

Eltuz.com

Тағин ўқинг
21 апрел 2016
«Адолат» газетаси пичоқдан жароҳат олган фуқарони операция қилган шифокор беморнинг яқинларидан пул олгани учун жиноий жавобгарликка тортилгани ҳақида ёзди. ...
9 май 2016
«Миллий тикланиш» газетаси Ўзбекистон президентининг 9 май – Хотира ва қадрлаш куни муносабати билан Хотира майдонида ОАВ вакилларига берган ...
22 май 2016
Ўғузхон номидаги Туркманфильм киностудияси бошлиғи Сапармуҳаммад Жоллиев ўтган ҳафта “ишда йўл қўйган камчиликлари” сабабли ишдан бўшатилди. Бу ҳақда Туркманфилм ...
7 апрел 2017
Хива тумани Саëт қишлоғидаги 31-мактабнинг 15 яшар ўқувчиси M.T 5 апрел куни Хива туман туғруқхонасида ўғил туғди. Муҳайё таҳсил ...
Блоглар
22 июн 2018
Aввaллaри Туркия бизнинг Мaркaзий Oсиё дaвлaтлaри вa турк oлaми учун сиёсий, ижтимoий вa иқтисoдий мoдел ...
21 июн 2018
Беш йил халқ таълими вазири бўлган Улуғбек Иноятов 20 июнь куни ишдан олинди. Ўрнига Инновацион ...
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш ...