Кундалик
15 декабр 2015

Жуковский 18 йил қамоққа ҳукм қилинди

Бугун Остерсунд туман суди Обид Назаровга суиқасдда айбланган тошкентлик ёлланма қотил Юрий Жуковскийни 18 йилга озодликдан маҳрум қилиш ҳақида ҳукм чиқарди.

Швецияда таниқли имом Обид Назаровга ўқ отилган машъум 2012 йилнинг 22 февралидан буён давом этган тергов суриштирувларида Юрий Жуковскийнинг кўплаб телефон сўзлашувлари, бир учи Ўзбекистонга боғлиқ жиноий гуруҳларга алоқадор далилий ашёлар синчиклаб ўрганиб чиқилган.

Суд шунингдек, жиноят жойи яқинида ташлаб кетилган рюкзакдан топилган тўппончани асосий далил сифатида тан олади, Тошкентдан жўнатилган қотил имомни айни тўппонча орқали оғир яралаган дея ҳисоблайди.

Бу рюкзакни қотил бир кун аввал Остерсунд дўконидан ҳарид қилган эди.

Шунингдек судда Ўзбекистондан мухолифат вакилларини йўқ қилишга жўнатилган қотиллар гуруҳи каллакесарларидан бири Тигран Капланов (ўзбек паспортига кўра Умидбек Аминов) билан Юрий Жуковский алоқалари фош этилди.

Назаровнинг адвокати Райан, Eltuz.com мухбири билан суҳбатда, Тошкентдан жўнатилган Юрий Жуковскийнинг шериги  Тигран Капланов параллел тарзда ўзбек мухолифати лидери Муҳаммад Солиҳга ва бошқа шахсларга ҳам суиқасд ташкил қилган айни шахс эканини билдирди.

Қотил устидан илк ҳукм ўқилди, бироқ Швециядаги маҳкама давом этиши олдинда кассация муддатлари борлиги айтилмоқда.

Қудрат Бобожон,

Eltuz.com

Тағин ўқинг
25 июн 2016
23 июн оқшомида Тошкентдаги форумлар саройида рақсга тушган ва қўшиқ айтганлар орасида ҳам, томошабинлар қаторида ҳам Ўзбекистон халқ артисти ...
12 июн 2017
Аҳолини паррандачилик, чорвачиликка кенг жалб этиш, томорқаларда иссиқхоналар яратишга ундаш Ўзбекистонда эндигина ҳукмронликни қўлга олган Шавкат Мирзиёевнинг илк ташаббусларидан ...
23 феврал 2017
Газеталаримизда йиллар давомида Кадрлар тайёрлаш миллий дастурининг ўзига хослиги, тараққиётимиз учун муҳим ўрин тутиши, дунёда ўхшаши камлиги тинимсиз таъкидлаб ...
12 июн 2018
Халқаро меҳнат ташкилоти (ХМТ) томонидан болалар меҳнатига қарши кураш куни дея белгиланган бу сана ҳар йили 12 июнда нишонланади. ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...