Кундалик
22 декабр 2015

Швед болалари: “Муҳаммад Бекжонга озодлик!”

Амнести тадбирлари доирасида Швеция мактабларида Муҳаммад Бекжон озодлигига бағишланган инсталляциялар ўрнатилди.

“Гимназиямизнинг қоронғу бир бурчагида панжаралар ўрнатдик, панжара ортига эса дунёдаги сиёсий маҳкумларнинг рамзий сувратларини илдик”, – дейди 14 яшар Қундуз Шерикбоева, Швециядаги гимназия талабаси.

Унинг сўзларига кўра, унинг синфдошлари гуруҳларга бўлиниб, диктаторлик режими жабрдийдалари маҳкумликда қолаётган ҳукуматларга мактублар ёзишлари, фуқаролардан уларни йиғишлари, флеш-моблар ўтказишлари лозим.

“Қизим ўспиринликка қадам қўяркан, дунёқарашлари ҳам анча ўзгариб қолди. Уни айниқса Ўзбекистоннинг бугунги сиёсати, ноҳақ қамалганлар ва турмалардаги қийноқлар кўпроқ қизиқтирмоқда. Мавлуд байрами таътилида ҳам у, инсон ҳуқуқлари акцияларида иштирок этмоқда.” – дейди унинг онаси, Гўзал Шерикбоева.

Қизининг ўзбек сиёсатига қизиқишлари бежиз эмас, Гўзалнинг ўзи ҳам кўпдан “Эрк” Демократик партиясига аъзоси, сўнгги ўн йил мобайнида партиянинг Швецияда бўлиб ўтган акцияларида қатнашган.

Қундуз Швецияда туғилди, ўзбек тилида ҳам унча яхши гапира олмайди. Бироқ унинг ҳайратига сабаб, ўз тарихий ватанида содир бўлаётган ноҳақликлардир.

“Менинг туғилган ватаним Швеция, бироқ тарихий ватанимиз Ўзбекистонда бугун диктатура ҳукмрон, биз мазлум ўзбек жамиятига ёрдам қўлини чўзишимиз лозим”, – дейди Гимназияда ҳуқуқ фанидан таҳсил олаётган ва тенгқурларини Муҳаммад Бекжон озодлигига бағишланган ижтимоий акцияларда иштирок этишга чорлаётган Қундуз.

Унинг швед ўсмирларидан иборат гуруҳи ўзбек турмаси мулозимларига швед фуқаролари номидан ёзилган мактублар ва откриткалар йиғишмоқда, айни пайтда бу мактублар почта орқали Ўзбекистонга жўнатилади.

Қундуз эндиликда ўз олдига ҳуқуқшунос бўлишни мақсад қилган, мамлакат ҳуррияти йўлида курашиб, энг узоқ йиллар турмада қолиб келаётган журналист Муҳаммад Бекжон ҳаёти, ижоди ва кураши Қундуз учун бир улуғ ўрнак каби кўринмоқда.

Eltuz.com

Тағин ўқинг
26 сентябр 2018
Бир гуруҳ ўзбек зиёлилари 25 сентябрь куни марҳум ўзбек шоири Рауф Парфининг 75 йиллик юбилейини ўтказиш учун Тошкентдаги «Шош» ...
2 май 2017
Бугун «очиқлик», «халқ дардини тинглаш», «аҳолининг ҳуқуқий в қонуний манфаатларини ҳимоя қилиш» каби баландпарвоз сўзлар ўзбек матбуотидаги ўзига хос ...
1 май 2023
Ўзбекистон мустақиллиги учун курашган Рўзи Назар 2015 йилнинг 1 майида оламдан ўтди. Рўзи Назар темир парда ортида яшаган туркистонликларга ...
30 июн 2023
Хафта гирр этиб айланиб яна сиз билан мулоқотдаман. Мулоқот сўзи сал бўрттирилган. Чунки мен гапираман, сиз эшитасиз. МС: Манам ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...