Кундалик
11 январ 2016

Президент резиденцияси олдида пикет ўтказганлар ушланди

Бугун 11 январ куни президент резиденцияси олдида норозилик намойиши ўтказишга чоғланган Инсон ҳуқуқлари альянси лидери Елена Урлаева бошчилигидаги бир гуруҳ фуқаролар ҳибсга олинди. Елена Урлаева билан боғланмоқчи бўлганимизда, суҳбат ярмида унинг қўлидан телефони тортиб олиб қўйилди ва алоқа узилди.

Пикет иштирокчилари, қонун идораларининг ғайриқонуний ҳаракатлари, ўз вазифаларига совуққонлигидан ҳуқуқлари топталгани юзасидан норозилик билдириш учун чиққан эдилар.

Ҳар доимгидек, норозилик намойиши ўтказиш мақсадида президент резеденциясига яқинлашган фуқаролар Мирза Улуғбек туман ички ишлар бўлими терроризимга қарши кураш бўлими ходимлари томонидан қўлга олинди.

«Бугун президент резеденцияси олдида норозилик намойиши ўтказиш истагида Андижондан ҳам келишганди. Норозилик намойишини ўтказиш мақсадидаги шу фуқароларни қўллаб-қувватлаш мақсадида ҳамроҳлик қилаётгандим…» – деди милиция назорати остида, афтидан сўзини якунлашга йўл қўйилмаган Елена Урлаева.

Мансабдор шахслар ва қонун идоралари томонидан меҳнат ҳуқуқлари топталаётган фуқаро Дилдора Юнусова, шунингдек андижонлик опа-сингил Раҳимовалар билан бирга, “Альянс” инсон ҳуқуқларини ҳимоя қилиш ташкилоти етакчисига кўра, бугун президент резеденцияси олдида намойиш қилишга чоғланган ва олиб кетилган фуқаролар орасида таниқли ҳуқуқ ҳимоячиси Шуҳрат Рустамов ҳам бўлган.

Айни дамда президент резеденцияси олдида ўз сиёсий фаоллигини намойиш этишга бел боғлаган 6 нафар иборат фуқаро Тошкент шаҳар Мирзо Улуғбек туман ИИБ идорасига олиб кетилмоқда.

Малоҳат Эшонқулова
мустақил журналист, мустақил ҳуқуқ фаоли
Еltuz.com

Тағин ўқинг
18 ноябр 2015
Бугун Тошкентда Олий мажлис ва Оқсарой биносига ИШИДнинг қора байроғи осиб кетилгани ҳабари тарқалди. Бундан олдин Тошкентда ИШИДга аъзолик ...
18 ноябр 2016
Ўзини аввалига Сабрина деб таништирган 22 яшар Ўзбекистон ватандоши Муштарий. С дугонаси асли озарбайжонлик 23 яшар Латифа Мамедова билан ...
27 феврал 2021
26 февраль куни тузилажак «Ҳақиқат ва тараққиёт» социал- демократик партияси ташаббускори, иқтисод фанлари доктори Хидирназар Аллақулов уйидан куч ишлатар ...
26 март 2020
24 мартдан бошлаб ҳукумат қарори билан коронавирус тарқалишига қарши кучайтирилган тартиб эълон қилинди. Вирусга чалингани аниқланганлар карантин манзилларига олиб ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...