Кундалик
12 январ 2016

Турсинова: “Терговда эримнинг оёқларини синдиришган”

Улуғбек Ашур
Eltuz.com

11 январ куни Жиззах вилоят жиноий судида бўлиб ўтган махкамада судланувчи Арамаис Авакян терговда ўзига нисбатан қийноқлар қўллангани ва қўйилаётган айбловларни бўйнига олмаслигини билдирди.

Жиззахнинг Пахтакор туманида балиқ етиштирувчи хўжалик очган Арамаис Авакян ва унинг 4 нафар шериги устидан бошланган суд мажлиси 11 январ куни давом этди.

Суд иштирокчилари жараённи махаллий ТВ тасвирга олаётганини, шунингдек судгача айблов ҳулосаси на судланувчиларга ва на уларнинг яқинларига берилмаганини айтишмоқда.

Суд раиси Асқар Мамарахимов уни ўқиркан, Арамайснинг рафиқаси Ширин Турсинова хушини йўқотаёзганини айтади.

“Арамаис ва унинг шериклари махаллий хокимиятни босиб олишни ва у ердаги рахбарларни, милиция ходимларини ўлдиришни режалаганмиш… Етти ухлаб тушимизга кирмаган айбловлар!” — дейди у.

Судланувчиларга диний экстремизм ва конституциявий тузумга тажовуз каби айбловлар қўйилмоқда. Тергов хулосасига кўра, Арамаиснинг уйидан диний адабиётлар ва таъқиқланган фильм дисклари топилган.

“Тақиқланган дейилаётгани, асли давлат нашриётида босилган “Мен намозни ўрганаман” ва “Ислом ақидаси” китоблари. Уларни, кези келса ўқийман деб ўзим сотиб олганман. Фильм дискларига келсак, тинтув пайтида бизникидан фақат мультиклар ёзилган дисклар чиққан холос. ”, — дейди Турсинова.

Бироқ, прокурор Шавкат Турдибеков, айблов хулосасини ўқиркан, Арамаиснинг уйидан, Ўзбекистонда намоиши таъқиқланган Туркия киноусталари яратган “Қашқирлар водийси” сериали дисклари чиққанини айтган.

Ширин Турсинова шу захоти бунга каршилик билдириб, уйларида умуман бу фильм бўлмагани, дискларни терговчилар ишга тиркаб қўйганини судьяга айтади.

Тушунтириш чоғида асабийлашиб, овозини кўтаргани учун, уни “Судьяга хурматсизлик қилди” деб, залдан ташқарига чиқариб юборишган.

Суд залида бўлган бошқа иштирокчилар, Арамаис ва Дилшодлар айбловни тан олишмагани, уларга тергов давомида қийноқлар қўллангани, жумладан Арамайиснинг икки оёғи синдирилганини айтишмоқда.

“Дилшод хам, Арамаис ва бошқа йигитлар ҳам эзилиб кетишган, бир бурда бўлиб қолишган”, — дейди судланувчи Фурқат Жўраевнинг қариндошларидан бири.

Судланувчи Арамаиснинг адвокати Олим Қобилов судда ўз ҳимоясидагилардан, уларга қийноқлар ва бошқа босимлар қўлланилгани ҳақида ёзиб беришларини сўраган.

Судланувчилардан фақат Фурқат Жўраев ўз айбига тўлиқ иқрорлигини билдирган. Бектемир Умурзоқов ва Акмал Матмуродовлар эса, фақат ўғирлик факти бўйича айбловни тан олишиб, экстремизм ва конституциявий тузумга тажовуз хақидаги айбловни бутунлай инкор қилишган.

Суд 13 январгача танафус эълон қилди.

Тағин ўқинг
26 август 2022
30 йилдирки саргардонликда, аввал Норвегияда кейин Туркияда яшаётган Муҳаммад Солиҳ янги куллиёти – асарлар тўплами устида ишламоқда. Унга бир ...
18 сентябр 2017
Хоразм вилоятида оммавий пахта терими 10 сентябрдан бошлаб юборилган. Вилоятдаги “Нажот” Инсон ҳуқуқлари ташкилоти тарқатган хабарга кўра, пахта теримига ...
24 декабр 2016
Аркадий Шайхет (1898 – 1959 йй.) совет мафкуравий фоторепортаж соҳасининг кўзга кўринган арбоби. Уқубатли ҳаëтни “мафтункор ҳақиқатга” айлантириш бўйича ...
13 апрел 2017
Ўзбекистонда давлат тилига катта эътибор ҳақида кўп гапирилаётганига қарамай, мамлакатда ўзбек тилини мустақил ўрганиш бўйича қўлланмани топиш анқонинг уруғидек ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...