Дайжест
22 апрел 2016

Арамаис «саргузаштлари» ТВдан интернетга кўчди

«Авакян иши» номи билан шов-шув бўлаётган жиноят иши тўғрисидаги «фош этувчи» тафсилотлар Ўзбекистон ТВси экранидан ўзбек интернет ресурсларига кўчди.

«Kun.uz» интернет нашри мазкур тафсилотларга тўхталар экан, «уларнинг жиноий қилмишлари «Ўзбекистон» телерадиокомпанияси томонидан тайёрланган «GTA ёхуд ўйинга айланган ҳаёт” кўрсатувида батафсил очиб берилгани»ни иддао қилади.

Сайтда ёзилишича, бу «жиноий гуруҳ етакчиси» Фурқат Жўраев Россиянинг Москва вилоятида ҳаракат қилган “GTA бандаси” деб номланувчи жиноий тўда аъзолари билан таниш бўлган ва Ўзбекистонда ҳам «жиҳод» ғояси асосида шундай тўда ташкил қилмоқчи бўлган.

«Фурқат Жўраевдан ташқари тўданинг Арамаис Авакян, Муродулла Қаюмов ва Элмир Бекмамбетов исмли аъзолари ҳам 2013 йилда Россияда уч йил ишлагач, Ўзбекистонга қайтиб келишган. Бу кимсалар Россияда марказий осиёликлар билан мулоқотда бўлгандан кейин, улар томонидан радикал ислом ташкилотларининг ташвиқотига жалб қилинган», дейилади мақолада.

Шунингдек, мақолада «тўданинг барча аъзолари ўз айбини тўлиқ тан олгани» ҳам билдирилади.

«Суд жараёни борасида эса бевосита хорижда истиқомат қилаётган айрим юртфуруш хоин журналистлар томонидан гўёки Ўзбекистонда ўзга миллат вакилларига нисбатан адолатсизлик қилинаётганлиги ҳақида асоссиз, бўҳтон маълумотлардан иборат мақолалар тайёрланиб, гўёки жаҳон жамоатчилиги эътиборини шу мавзуга қаратмоқчи бўлишди», дея таъкидланади мақолада.

Нашр муқобил ахборот воситаларининг юқорида расмийлар билдирган фикрлардан фарқ қиладиган қарашлари тўғрисида бир оғиз ҳам гапирмаган.

Eltuz.com

Тағин ўқинг
18 декабр 2015
Малоҳат Эшонқулова мустақил журналист, Eltuz.com Жиззахлик қонун идоралари ходимлари, хусусан «Дўстлик» туман ИИБ катта терговчи Ориф Анорбоев Ўктам Пардаевга ...
17 октябр 2016
«XXI аср» газетасида пахта етиштирувчи хонқалик фермернинг номидан ҳам бир мақола эълон қилинган. Унда фермер муваққат президент ва амалдаги ...
3 ноябр 2017
Сўнгги вақтларда рус мулозимларининг Ўзбекистонга ташрифлари кўпайди. Шу кунларда Россия бош вазири Дмитрий Медведов юртимизда бўлиб турибди. МДҲ мамлакатлари ...
3 август 2017
Қадрли вебсаҳифамиз ўқувчилари. Элтуз нашри жамоаси таътилга чиқишга қарор берди. Нашр ўз фаолиятини сентябрдан давом эттиради. Шу вақт ичида ...
Блоглар
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...
12 декабр 2017
«Ижтимоий фикр» барака топсин, яна раҳбарга ёқадиган, ақлини таниганларнинг истеҳзосига сабаб бўладиган навбатдаги сўрови натижасини ...
11 декабр 2017
9 декабрдан Тошкент шаҳридаги умумий овқатланиш шохобчаларини табиий газ тармоғидан бутунлай узиш бошланди. Газ идораси ...