Дайжест
3 май 2016

«Гумроҳлар»у «Сотқин» тилдан тушмаётган тадбирлар

Ўзбекистон матбуоти, ТВ ва радиосини кузатар экансиз, мамлакатни терроризмга қарши курашиш, ёт ғоялардан сақланиш васвасаси чулғаб олгандек таассурот уйғонади.

Чунки қаерга қараманг, шу мавзудаги мақолаю кўрсатувларга гувоҳ бўласиз. Кимнинг тайин иши бўлмаса, шу мавзуда тадбир ўтказяпти шекилли, деб ўйлаб қоласиз.

Деҳқонларга далага қачон гўнг чиқаришу уни экинга қандай сепишни ўргатишдан бўшамайдиган «Қишлоқ ҳаёти» газетаси ҳам шу мавзуда мақола эълон қилди.

Унда айтилишича, Ўзбекистоннинг сон-саноқсиз идораю ташкилотлари томонидан ташкил этилаётган бу каби тадбирлар ёшларнинг «онги ва қалбини турли мафкуравий ва ахборот таҳдидларидан ишончли ҳимоя қилиш, уларда ғоявий иммунитет ва фаол фуқаролик позициясини шакллантириш»га хизмат қилмоқда.

Учрашувларда эса «дунёнинг қатор давлатларидаги нотинчликлар, улар ортида турган кучлар мақсадини очиб берувчи «Гумроҳлар», «Сотқин» каби фильмлар» намойиш этиляпти.

Ушбу фильмлар режиссёри, мана шу хизматлари учун бўлса керак, яқинда «Ўзбекфильм» директорлигига кўтарилиб кетди. Энди илҳоми тошиб яна бирорта шундай кино олса, у бемалол вазирликка даъвогар бўлиши ҳам ҳеч гап эмас.

Eltuz.com

Тағин ўқинг
16 май 2018
Андижон шаҳрида йўл ўртасидаги темир тўсиқлар шу ҳафта бошидан бутунлай олиб ташланмоқда. Йўл патруль хизмати ходимларининг таъкидлашларича, бунга шаҳарда ...
7 март 2018
МХХ ҳибсхонасида қолаётган журналист Бобомурод Абдуллаев терговда қийноқларга солингани ҳақида 7 март куни адвокати Сергей Майоров орқали Ўзбекистон Бош ...
15 ноябр 2016
Уотсон 1889 йили Россия империяси ишғоли остидаги Рус туркистони деб аталадиган ўлкаларни кезиб суратлар олди. 1899 йили бу сувратлар ...
20 март 2016
Экипаж аъзоларининг барчаси БАА фуқаролари бўлгани, шунингдек, йўловчилардан 5 нафари хорижлик экани айтилмоқда. Хабар қилинишича, йўловчиларнинг 2 нафари украиналик, ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 феврал портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...