Кундалик
5 май 2016

Иcтанбуллик йигит ўзбек аёлни бўғиб ўлдиргани маълум бўлди

Ўзбекистон фуқароси 36 яшар Муборакхон Усмонова ўз жазмани 55 яшар Азиз Чалишқон (Aziz Çalışkan) тарафидан 27 апрел оқшомида бўғиб ўлдирилгани маълум бўлди. (Олдинги ҳабаримизда 29 апрел деб ëзилган эди).

Eltuz.com билан ҳамкорлик қилаëттан Истанбул турғунига кўра, жасад тиббий текширувдан ўтказилган пайтида, ўзбекистонлик Муборак Усмонованинг бўғиб ўлдирилгани аниқланган. Бу аёлни билган гувоҳларнинг айтишича, у Туркияда ноқонуний яшаган ва муқаддам Ўзбекистонга депорт қилинган.

Кейинчалик жазмани Азиз Чолишқон аёлни яширин йўллар билан Туркияга олиб келган. Ҳар куни уриб азоб берган, бошига шиша билан урган.

Шунингдек, Ўзбекистон фуқаросини ўлдирганликда айбланиб ҳибсда сақланаëтгтан Азиз Чалишқон тергов пайтида янги тафсилотларни айтиб берди.

Азиз Чолишқон полицияга берган ифодасида ўзи бирга яшайдиган ўзбек аёл билан ичкилик ичгани ва ўрталарида қандайдир жанжал чиққанини айтган.

Қотил полицияга ўз оёғи билан келган

rasm1318
Қотилликда айбланаётган Азиз Чалишқон расми ҳозирча Eltuz.com ўқувчилари учун ёпиқ

Туркия матбуоти тергов ҳужжатидаги Чолишқон ифодасидан иқтибос келтиради:

“Муборахон ошхонадан пичоқ олиб, “сени жинсий аъзонгни кесаман” деб менга ташланди.Кейин, ўзимни ҳимоя қилиш учун аёлни урдим, кейин ухлаб қолдим. Кечаси уйғонсам, аёлнинг танаси муздек совуқ. Шундан кейин полицияга ўз оëғим билан келдим” дейилади мухтамал қотилга нисбат берилган иқтибосда.

Бундан олдинги ифодасида Азиз Чолишқон “Ҳар куни урардим, аммо нега бугун ўлганини тушунмай қолдим” деган эди.

Эслатиб қўямиз, Истанбулнинг Бошоқшаҳар (Başakşehir) мавзесида яшайдиган 55 яшар Азиз Чалишқон (Aziz Çalışkan) 27 апрел оқшомида ўз севгилисини ўлдирганига иқрорлигини айтиб полицияга таслим бўлган эди.

Бу эътироф ортидан Зиë Гўкалп маҳалласидаги Азизнинг уйига борган полиция гуруҳи у ерда бир аëлнинг жонсиз танасини кўришган.

Аниқланишича жасад Ўзбекистон фуқароси 36 яшар Муборакхон Усмонованики бўлиб чиқди. Баъзи турк нашрлари мақтулнинг исмини Nuborakhon тарзида ҳам ëзишди.

Жасаднинг бадани калтаклардан мўматалоқ бўлиб кетган

rasm1316
Ўзбекистонлик Муборакхон Усмонова ҳамда унинг муҳтамал қотили Азиз Чалишқон яшаган уй

Полиция вакилларининг матбуотга билдирилишича мархуманинг бадани калтакларардан мўматалақ бўлиб кетган ва баъзи жойлари эса ëрилиб кетган.

Хотинни ўлдирганликда гумон қилинган Азизнинг полицияга айтишича “Ўртада гап қочган ва муштлар ишга тушган”

“Бир мушт урувдим йиқилиб ерга тушди. Ҳушидан кетди деб ўйладим. Зотан ҳар куни урардим уни, таëқдан кейин ҳушига келиб йиғлаб сиқтаб юраверарди. Бу сафар қаттиқроқ урдим чоғи ўлиб қолди”, дея эътироф қилган эди гумондор.

Eltuz.comга маълум бўлишича, ўзбек аëлни ўлдиришда гумонланган Туркия ватандоши 55 яшар Азиз Чолишқон муқаддам бир нечта жиноятлар содир қилиб жазо ўтаган ва полиция назоратида турган.

Eltuz.comга маълум бўлишича, ўзбек аëлни ўлдиришда гумонланган Туркия ватандоши 53 яшар Азиз Чолишқон муқаддам “ўғирлик”,”тажовуз”, “пичоқлашув” каби олтита жиноятлар содир қилиб жазо ўтаган ва полиция назоратида турган.

Чолишқон олдинги хотини билан ажрашган ва бир фарзанди бор. Eltuz.com нашри марҳуманинг суратини эълон қиляпти.

Бу аëлнинг жасади Ўзбекистонга олиб борилгани ҳақида маълумотимиз йўқ.

Билишимизча жасад Истанбул адлия бошқармаси моргида қолмоқда.

Воқеа ривожини кузатишда давом этамиз.

Eltuz.com

Тағин ўқинг
15 октябр 2015
Шуҳрат Бобожон, Eltuz.com Салвадор Далининг бир асари бор. «Гражданлар урушини олдиндан ҳис қилиш» деган. Рассом дўстим Ҳакимжон Турдиев эса ...
25 октябр 2015
Бугун дунё матбуоти Россия миграция хизмати ва полицияси ушлаган тожик оиласининг олиб қўйилган беш ойлик эмизикли боласи Умарали Назаров ...
21 март 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Ўзбекистоннинг Фарғона, Наманган, Сурхондарё ва Самарқанд ...
18 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 36-қисм. Аудиокитоб матнини муаллифнинг ўзи ўқиган. Давоми бор.) Л.А.Н Мени енголмади ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...