Кундалик
9 май 2016

Бош вазир ўринбосари Улуғбек Рўзиқулов изоляциядалиги иддао қилинмоқда

Eltuz.com манбасининг айтишича, бош вазир ўринбосари, айни пайтда «Ўзавтосаноат» АК бошқарув раиси, Машинасозлик, электротехника ва авиация саноатини ривожлантириш, маҳсулотларни стандартлаштириш масалалари мажмуаси раҳбари “Улуғбек Рўзиқулов мамлакатдан чиқиб кетиш пайтда МХХ ходимлари тарафидан аэропортда тўхтатилиб изоляция қилинган«.

Фақат бир манба айтаётган бу “воқеа” 7 май куни пешиндан кейин рўй берган.

Манбанинг айтишича, Рўзиқулов GM-Uzbekistan билан боглиқ криминал схемаларга оид жиноят иши бўйича терговчиларга сўроқ бермоқда.

rasm1352
Бу орада рассом Туз Бош вазир ўринбосарининг қочишини ҳажв қилди. Eltuz.com

Ўзбекистонда GM Uzbekistan иши бўйича ширкат бош директори Тоҳир Жалиловдан ташқари яна камида 10 одам ҳибсга олингани ортидан “Ўзавтосаноат” бошқарув раиси, Ўзбекистон бош вазирининг ўринбосари Улуғбек Рўзиқуловнинг ҳам терговга чақирилгани ҳақида Озодлик радиоси билдирган эди.

1 май куни Eltuz.com автосаноат учун маъсул бўлган Ўзбекистон Бош вазир ўринбосари Улуғбек Рўзиқулов “гуноҳ эчкиси” сифатида қурбонликка ҳозирланаётгани ҳақида ёзган эди.

“Ҳар холда ўтган жума куни Рўзиқулов ўз вазифасидан истеъфо бериш ҳақида аризани ëзди” деб такидлаган эди Eltuz.com манбаси.

Айни пайтда Рўзиқулов Узбекистон бош вазири уринбосари сифатида хукумат интернет порталида турибди. Унинг ҳибс килингани ҳақида расмий маълумот йўқ.

Манбаларнинг айтишича, бошқарув элитасидаги аксар мулозимлардан фарқли тарзда “уч хонали квартирада намойишкорона камтар” истиқомат қиладиган ва “ўта эхтиëткор” Рўзиқуловни “майдондан супуриб ташлаш” учун информацион мужодала бошланган.

Пул эгаларининг тахт учун кураши

rasm1353
Айни пайтда Рўзиқулов Узбекистон бош вазири уринбосари сифатида хукумат интернет порталида турибди

Eltuz.com мухбирининг ўрганишича, бу масала 26 апрел куни Ўзбекистон ва Россия раҳбарларининг учрашув пайтида ҳам кун тартибининг матбуотга очиқланмаган қисмида бўлган.

Яна аниқланишича, Жалиловнинг ҳибсга олинишига сабаб бўлган автомобил ишлаб чиқариш соҳасига оид компроматлар Ўзбекистон молия вазири Рустам Азимовга қарши гуруҳнинг ишидир.

Азимов муҳтамал ворис, яъни Ўзбекистоннинг “эртанги президенти” бўлиши ҳақидаги гап-сўзлар ортидан Азимовга қарши ахборот уруши нишоналари кўрина бошлади.

Eltuz.com мухбири, ўз тасарруфидаги маълумот иддаолар асосида “Рустам Азимов гуруҳи ўзларига қаратилган ҳужум стрелкасини Бош вазир ўринбосари Улуғбек Рўзиқуловга қарши йўналтирди” деган ҳулосага келган эди.

Абдужамил Дўстмуҳаммад
Eltuz.com

Тағин ўқинг
22 сентябр 2016
15 сентябр куни халқаро криминал авторитет Ғафур Раҳимов Ўзбекистон Интерполи қидирувидаги шахслар рўйхатидан cирли тарзда олиб ташланди, айни пайтда ...
6 феврал 2017
Республика Бош вазири топшириғига кўра, ортиқча маҳаллий ўғитни фермер хўжаликларига чиқариш, молхона ва ҳожатхоналарни тозалаш, вақт-вақти билан дезинфекция қилиб ...
15 ноябр 2016
Уотсон 1889 йили Россия империяси ишғоли остидаги Рус туркистони деб аталадиган ўлкаларни кезиб суратлар олди. 1899 йили бу сувратлар ...
4 сентябр 2017
ЎзМТРКда йил давомида узлуксиз раис алмашувидан сўнг тағин Алишер Хўжаев раис бўлди. Уни шу йилнинг февралида Мирзиёев ишдан бўшатган ...
Блоглар
24 апрел 2018
Туркманистон президенти Гурбангули Бердимуҳамедовнинг Ўзбекистонга ташрифи муносабати билан 24 апрель куни Хоразм вилоятида минглаб талаба ...
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетяпман. Қарасам, байрамона кийинган милиционерлар, байроқча ...
23 апрел 2018
Айни кунларда Тошкентдаги умумтаълим мактабларида турникет ўрнатиш кенг кўламда, аксарият ҳолларда мажбурий тарзда бошлаб юборилган. ...