Кундалик
20 май 2016

Ҳар болага 25 кило темир-терсак

Фарғоналик М.исмли аёл 1-синфда ўқийдиган қизчасини мактабга жўнатдию, Халқ таълими вазирлигининг “Ишонч телефони”га қўнғироқ қилиш учун қўлига телефон олди.

“Ёш болагаям 25 кило темир-терсак дейдими?”, ўйланди у. Соатга қаради. Эндигина 7 дан 30 дақиқа ўтибди. Ҳали “Ишонч телефон”лари иш бошлашига бир ярим соатдан мўлроқ вақт бор экан. Ишларига уннади.

Аёлнинг жиғибийрон бўлишида жон бор. Бугун мактабларда металлом, макалатура, баклашка “операция”лари қизғин давом этмоқда. Ҳар уччала нарсани олиб келмаган ўқувчиларга синф ва мактаб раҳбарлари томонидан дакки берилмоқда, “эртага мактабга киргазмайман” дея улар қўрқитилмоқда.

Мактабларнинг бирини синф раҳбари билан айнан шу масалада гаплашдим.

-Синфимда 40 нафар ўқувчи ўқийди, – деди муаллима. 600 кило металлом топширишимиз керак. Ҳар бир ўқувчига 25 кг. металлом, 5 килодан макалатура, 5 донада баклашка олиб келиш топшириғини берганман. Мажбурман. Мендан мактаб раҳбари талаб қилмоқда.

Мактаб раҳбари билан боғланганимда эса у 1200 нафар ўқувчи ўқийдиган мактаб учун “юқоридаги”лар етти ярим тонна металлом топшириш шартини қўйганлигини айтиб берди.

“Яхшиям тушунган ота-оналар бор” деди директор қувонч билан, бир ота-она 1,5 (бир ярим тонна) темир олиб келиб берди ва “Болаларга айтмай қўяверинг, устоз, мен яна қанча керак бўлса олиб келиб бераман” деди, дея хурсанд бўлди.

Ўқувчилар олиб борган металлом, макалатура ва баклашкалари учун ҳеч қандай ҳақ олмайди. Металлом, макалатура, баклашка олиб бормаган ўқувчилар эса синфига қараб 10 минг сўмдан 15 минггача пул беришлари мажбурийдир.

Насима Даврон қизи
Eltuz.com

Тағин ўқинг
11 феврал 2016
Рассом Туз Европадан туриб очиқ жамият фаолларига ҳуруж қилаётган ўзбек режими қўғирчоқларини ҳажв остига олади. «Мен Обидов воқеаси ўзбек ...
3 апрел 2018
Журналист Бобомурод Абдуллаев ва яна уч нафар шахс устидан Тошкент шаҳри судида 2 апрель кунги маҳкамада, асосан, Ҳаётхон Насриддинов ...
14 апрел 2018
Россия Давлат думаси 13 апрель куни АҚШнинг навбатдаги санкцияларига жавоб лойиҳасини тайёрлади. Interfax хабарига кўра, қонун лойиҳасида АҚШ ширкатларини ...
26 январ 2016
Ўзбек қўшиқчиси Наргизнинг шанба куни рус миллатчи аëллариниг ҳужумига учрашига ижтимоий тармоқдаги қадимчи ўзбеклар ҳамдардлик билдиришмади. Аксинча тармоқлардаги муҳофазакор ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...