Асосий мавзулар
13 июн 2016

Гей клубдаги 50 кишини ўлдирган қотилнинг хотини ўзбекистонлик бўлган

Орландодаги Гей клубга ҳужум уюштирган 29 яшар Умар Метин Сиддиқийнинг хотини Ситора Алишерзода Юсуфий ўзбекистонлик бўлган, аммо улар 2013 йилда ажрашишган.

rasm1553
Ситора Юсуфий собиқ эрини баджаҳл аммо диний мутаассиб бўлмаганлигини таъкидлайди © heavy.com

Eltuz.comга маълум бўлишича, Умар Метин Сиддиқийнинг хотинига қўл кўтаргани ажралиш сабаби бўлган.

АҚШда яшаëтган ўзбекистонлик Ситора Юсуфий интернет орқали келиб чиқиши Афғонистондан бўлган ва жазони ўташ муассасаларидан бирида қўриқчи бўлиб ишлаган Умар Метин Сиддиқий билан танишган.

Бу танишув ортидан ўзбек келин 2009 йилда Флоридага кўчиб келиб никоҳдан ўтган.

Ситора Юсуфий исмли ўзбек келин Washington Post билан суҳбатда ўз собиқ эрини баджахл, ҳудбин дея такидлаган ва унинг диний мутаассиб бўлмаганлигини ҳам ўз сўзига илова қилган.

rasm1545
Умар Сиддиқий Орландо шаҳридаги клубга кириб ўт очган © heavy.com

Орландода оммавий қотиллик содир этган жиноятчи Умар Матиннинг отаси Содиқ Матин Сиддиқий ўғлининг қилмиши учун NBC эфири орқали кечирим сўради.

Орландодаги тунгли клубда содир этилган отишмада 50 киши ҳалок бўлди, 53 киши яраланди. Умар Метиннинг ўзи эса полиция томонидан отиб ўлдирилди.

CBS News ота-онаси Афғонистондан бўлган Умар Матин Сиддиқий Флориданинг Порт Сэйнт Луис шаҳрида яшаганини маълум қилди.

Воқеа АҚШ тарихидаги энг катта кўламдаги қирғин сифатида таърифланди. Умар Сиддиқий Орландо шаҳридаги гейларнинг «Puls» тунги клубига автомат ва тўппонча билан кириб ўт очган.

Eltuz.comга маълум бўлишича, Сиддиқий ҳужумдан сал олдин фавқуллода холатларда териладиган 911 рақамига телефон қилиб ўзини ИШИД тарафдори эканлигини айтган.

Eltuz.com

Тағин ўқинг
5 январ 2017
Зилзиладан кейин вайрон бўлган Тошкент ўз ижодий имкониятини реализация қилиш учун ер қидирган совет меъморлари учун янги имкониятлар очди. ...
16 март 2016
9 март куни „Пахта кампанияси“ (The Сotton Сampaign) фаоллари Ўзбекистон қишлоқ хўжалигида одамларни мажбурий меҳнатга жалб қилиш ҳамон сақланиб ...
25 декабр 2017
24 декабрь – якшанба куни Тошкент шаҳар халқ депутатлари туман кенгашларига бўлиб ўтган сайлов халқнинг бундай тадбирга умуман ишончи ...
2 март 2017
27 феврал куни Тошкентдаги кўп қаватли бинода содир бўлган ёнғин ҳалокати акс этган видео қўйилди. Бунда пиёдалар йўлагига парковка ...
Блоглар
26 апрел 2018
Ўзбекистон мудофаа вазирлиги ансамбли артистлари Тошкент метросида 9-майга кунига атаган акцияларни бошлашди ва бунга қарши ...
26 апрел 2018
Андижон шаҳридаги 18-умумтаълим мактабининг 9-синф ўқувчиси 22 апрель куни ўсмирлар ўртасидаги ўзаро жанжалда пичоқбозлик қурбони ...
24 апрел 2018
Туркманистон президенти Гурбангули Бердимуҳамедовнинг Ўзбекистонга ташрифи муносабати билан 24 апрель куни Хоразм вилоятида минглаб талаба ...