Кундалик
24 июн 2016

Истанбулда ўзбек фуқаросининг 1 миллион 900 минг долларини қароқчи урди

Истанбул полициясига кўра, 23 июн куни тушлик пайтида Истанбулнинг Енибосна мавзеида Ўзбекистонлик тадбиркор (балки мулозим) О.Е. йўлтўсар қароқчилар ҳужумига учрагани борасида шикоят қайд қилинган.

rasm1591
Ўзбекистон ҳаво йўллари ширкатида ноқонуний пул трансфери мавжудми?

Айтилишича Ўзбекистон фуқароси О. Е. Тошкент-Истанбул учоғи воситасида Ўзбекистондан келтирилган бир миллион тўққиз юз минг нақд долларни Отатурк аэропортидан олиб ўз машинасида шаҳар томонга юрган.

Автомобил Енибосна (Yenibosna) мавзеига яқинлашганда қуролланган уч йўлтўсар тарафидан куршовга олиниб тўхтатилган.

Олдин таъқиб сўнгра талон

Талончилар Ўзбекистон фуқаросини пешонасига тўппонча тираб пул солинган сумкани тортиб олиб қочиб кетишган.

Ўғирлик атрофдаги хавфсизлик камералари нигоҳига тушди. Видеотасвирларни тахлил қилган турк полицияси талончилар ўзбек пулдорини аэропортдан бошлаб таъқиб қилгани ва қулай пайт келгани ҳамон талончиликка ўтганини билдирди.

Воқеа юзасидан суриштирув бошланган.

rasm1593
Истанбул-Тошкент рейси атрофида шубҳали атмосфера ҳукм суради

Eltuz.com мухбири икки миллион долларга яқин нақд пулнинг қандай қилиб Тошкент аэропорти божхона назоратидан ўтгани билан қизиқиб Ўзбекистон ҳаво йўллари ширкатининг Истанбул Ота-турк аэропортидаги вакилига савол берди.

Вакил жавоб бера олмаслигини билдириш билан кифояланди.

Ўзбекистондаги қоидаларга кўра, фуқаро ўз ëнида фақат икки минг долларгача бўлган миқдордаги нақд валютани олиб чиқа олади.

Истанбулда “ўзбек пулдорининг таланиши” воқеаси Ўзбекистон божхона ва МХХ чегара қўшинлари ҳамда Ўзбекистон ҳаво йўллари ширкатида “нақд долларни трансфер” қилиш бўйича ноқонуний коридор мавжуд деган эҳтимолга далил бўла олади.

Айни воқеа “чинозлик Аҳмадбойнинг миллионлари қаерга кетди?” деган саволга ҳам ип учи бўлиши мумкин.

Сўз навбати Ўзбекистон прокуратурасига.

Eltuz.com

Тағин ўқинг
8 октябр 2015
Афғон-туркман чегарасидаги хавфсизлик, Ўзбекистоннинг ёнилғи эҳтиёжлари ва Россиянинг кун сайин тажовузкор тус олаётган геосиёсати Тошкент- Ашхобод мулоқотида кўрилиши кутилган ...
13 март 2018
Тошкентнинг Мирза Юсуф масжиди имоми Раҳматулло Сайфуддиновга 9 март куни «Озодлик» радиосини лаънатлаб, унга «жаноза ўқигани» ортидан Вазирлар Маҳкамасининг ...
17 апрел 2018
Ўзбекистон президентининг диний-маърифий соҳа фаолиятини тубдан такомиллаштириш чора-тадбирлари тўғрисидаги фармонида соҳа ривожининг устувор йўналишлари хусусида тўхталиб ўтилган. Фармондан иқтибос: ...
29 август 2016
Ўзбекистонни 27 йил давомида шафқатсизлик ва қонунга хилоф равишда бошқарган авторитар президент Ислом Каримов 78 ёшида ўлди. Бу ҳақда ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...