Дайжест
5 июл 2016

Энди завод пахта ўғирлай олмайди…ми?

Kun.uz интернет сайти «Ўзпахтасаноатэкспорт» холдинг компанияси матбуот хизматига асосланиб хабар беришича, 2016 йил пахта ҳосилини тортиш, тўғри ва тезкор ўлчаш, сифатли текшириш мақсадида пахта заводларида замонавий электрон тарозилар ўрнатиш ишларини олиб бормоқда.

Компания вакилининг айтишича, фермер заводга олиб келган пахта хомашёсининг саноат нави, намлик ва ифлослик даражаси инструментал усулда аниқланади ва қабул қилиш уч зонали тизим бўйича амалга оширилади.

Биринчи зонада хомашёдан вакиллар иштирокида намуна олинади. Иккинчи зонада пахта электрон тарозида тортиб кўрилади ва фермер таблода барча натижаларни кўриб туради. Учинчи зонада эса пахта туширилади ва партияларга ажратилади.

“Пахтани қабул қилиш, тортиш, сифат кўрсаткичларини аниқлаш ва қайд этиш учун махсус электрон дастур яратилди. Бу жараёнлар шаффофлигини таъминлаш мақсадида ҳар бир нуқтага кузатув камералари ўрнатилди. Йиғилган маълумотлар марказий тармоқда йиғилади, жараён тўғридан-тўғри кузатиб турилади», дейилади мақолада.

Биз бекорга бу мавзуга тўхталаётганимиз йўқ. Чунки йиғим-терими мавсумида пахта заводида шунчалик кўп қинғир ишлар амалга ошириладики, бу ер пахта тармоғидаги коррупциянинг энг гуллаган жойи, деса ҳам бўлади.

Фермер минг машаққат билан олиб келган пахтани завод тарозибони аввал тарозидан уради, лабораторияда эса нави пасайтирилади. Натижада заводда ҳисобдагидан ортиқча юзлаб тонна пахта хомашёси хирмони пайдо бўлади.

Мавсум охирлаб, режани бажара олмаслиги аниқ бўлиб қолган фермерлар ҳокимият амалдорлари томонидан қаттиқ сиқувга олинади, керак бўлса калтакланади, хуллас, пахта сотиб олишга мажбурланади.

Ортиқча пахта қаерда бор? Тўғри, пахта заводида. Фермер бақувватроқ бўлса, пулини кўтариб келиб, номига пахта топширди қилинади ва унинг ҳисобига пахта ёзилади. Заводдан сотиб олинган пахтанинг пули эса ўша амалдорлар ўртасида бўлиб олинади. Бу доирада завод катталаридан ташқари туман ҳокими, прокурори, милиция бошлиғи каби казо-казолар бор. Улар ҳаводан шу усулда пул қилади. Фермернинг ўзидан уриб қолиб, ўзига сотилади. Сопи ўзидан чиқарилади.

Дарвоқе, пахта заводларидаги бу қинғир ишлардан юқоридагиларнинг хабари бор, шекилли, мақолада бу тан ҳам олинади.

«Пахта электрон тарозиларда тортилганда “инсон омили”нинг таъсири  туфайли объектив ва субъектив сабабларга кўра хатолар эҳтимоли бартараф этилади, ноқонуний хатти-ҳаракатларга барҳам берилади», дейилади мақолада.

Eltuz.com

Тағин ўқинг
25 май 2017
20 май куни Ўзбекистон телеканалининг Таҳлилнома дастурида совет даври афсонасига айлантирилган аёл – Турсуной Оҳунова ҳаётига бағишланган лавҳани нимойиш ...
11 октябр 2017
Бобомурод иши, нўноқ режиссер саҳналаштирган, бироқ чинакам жаллодлар иштирокидаги қонли театрни эслатади. Ўзбекистон Ташқи ишлар вазирлиги собиқ мулозими, ҳозирда ...
10 август 2018
Бугун Eltuz.com нашри Ўзбекистондаги коррупцион бошқарув тизимини акс эттирган рассом Элсеварнинг янги ҳажвий суратини ақдим этади. Бу клептократик иншоотдан ...
29 май 2017
Ўзбек кино артисти ва қўшиқчиси Дилфуза Исмоилова Ўзбекистон президенти Шавкат Мирзиëевга қўшиқ бағишлади. 49 яшар Дилфуза Исмоилова “Гап йўқ” ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...