Дайжест
14 июл 2016

Депутатлар сайловчилар кўнглига таскин бериб қайтди

«Миллий тикланиш» демократик партиясидан парламентга сайланган депутатлар ўн кунча ўз сайлов округларида бўлиб, сайловчилари билан учрашган.

Бу учрашувларда улар нима қилгани биласизми? Билмасангиз, «Миллий тикланиш» газетасини ўқинг, ҳаммасини очиқ-ошкора ёзган.
Хусусан, ЎзМТДК фракцияси аъзоси Феруза Ибрагимова Когон сайлов округида бўлиб, сайловчилари билан учрашувда президентнинг мустақиллик байрамининг 25 йиллигини ўтказиш тўғрисидаги қарори «мазмун-моҳияти ва қарор ижроси ҳақида атрофлича фикр юритган».

Мустақиллик байрамини сайловчи ўз имконияти даражасида қандай хоҳласа, шундай ўтказаверади. Аммо байрамни қандай ўтказишни Тошкентдай жойдан келган депутат кўрсатиши шартмикин?

«Байрамшунос» депутатнинг ҳамкасби Акмалжон Жумабоев эса Андижондаги учрашувда «сайловчиларни қизиқтирган масалаларга алоҳида эътибор берибди».

Яъни байрам ҳақида фалсафа сўқмай, «электр энергиясига бўлган эҳтиёж билан боғлиқ масалалар Наманган вилоятида барпо этилаётган Тўрақўрғон иссиқлик электр станцияси тўлиқ ишга тушгач, ечимини топиши»ни маълум қилиб, ҳеч бўлмаганда халқнинг кўнглига таскин бериб келибди.
Яна бир «миллий тиклагич» депутат Азамат Пардаев Самарқанднинг Пахтачи туманидаги учрашувдан ўз фойдасига хулоса чиқарибди.

Унинг айтишича, «сайловчилар бугун ўз вакилига катта ишонч ва умид билан қараяпти».

Буни ўзини ўзи ишонтириш дейдилар. Депутат ўзини шундай деб ишонтирмаса, сайловчилар унга ишонишига биров ишонармиди?

Eltuz.com

Тағин ўқинг
17 январ 2017
Истанбул ҳокими Восип Шоҳин ва Истанбул амният мудири Мустафо Чолишқон 17 январь куни матбуот анжумани ўтказиб, қўлга олинган одамнинг ...
22 ноябр 2016
Шундай иштиёқни билдирганлар орасида 68 яшар фарғоналик фермер, 63 яшар хоразмлик пенсионер, андижонлик новвой бор. Жумладан, фарғоналик кекса фермер ...
28 декабр 2016
Диний идора 35 ёшлардаги, олий маълумотли, 2002 йили Тошкент Ислом институтининг илк битирувчиларидан бўлган Алимардон Эрназаровнинг нима учун ишдан ...
2 декабр 2015
Dokument рукнида Юрий Жуковский ва швед судида унинг Россиядаги дўсти сифатида таърифланган, Туркия ва Россиядаги ўзбек режими мухолифларига қарши ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...