Дайжест
14 июл 2016

Ўзбеклар саммит баҳона яна бир бор президентидан фахрланди

«Ижтимоий фикр» жамоатчилик фикрини ўрганиш маркази яна ўз сўрови ва унинг натижалари билан кўпчиликнинг эътиборини тортди.

Бу галги сўровни марказ Шанхай ҳамкорлик ташкилотининг Тошкентда ўтган саммити якунларига бағишлади ва ҳар доимгидек кутилганидек жавоблар олишга муваффақ бўлди.

Бу жавобларни эълон қилишдан ҳатто асосан эколояга оид мавзуларни ёритадиган «Эко ҳаёт » газетаси ҳам ўзини тия олмади. Чунки сўров натижалари шунчалик «юқори»нинг кўнглидан келиб чиқадиган шекилли, уни халққа етказмаган нашрнинг мазаси қочиши таъминланиши турган гап.

Хуллас, газетанинг ёзишича, «Ижтимоий фикр» сўровида қатнашганлар: «Ўзбекистон аҳолиси халқаро майдонда нуфузи тобора ошиб бораётган ШҲТга учинчи бор раислик қилган ўз мамлакати ва президентидан чексиз фахрланади», деган фикрни билдирган.

Бундан ташқари, ҳамюртларимиз ШҲТга «Ўзбекистон ҳамда шахсан мамлакат президенти И.Каримов раислиги тарихий аҳамиятга эга экани»га алоҳида урғу берган.

Сўров иштирокчиларининг қарийб 92 фоизи саммит жараёнини диққат билан кузатган бўлса, 98,2 фоизи машваратда турли ҳамкорлик масалалари ва бошқа долзарб масалалар муҳокама қилинганини маъқуллаб эътироф этган.

Респондентларнинг 92,4 фози ШҲТни яна мустаҳкамлашни қўллаб-қувватласа, 97,6 фоизи шу саммит билан боғлиқ орзу-умидлари тўлиқ рўёбга чиққанини таъкидлаган.

Бандаи мусурмон, оддий ўзбекнинг саммит билан боғлиқ қандай орзу-умиди бўлиши мумкин!? Халқнинг саммитга алоқадор битта орзуси бор бўлганини кўпчилик биларди ва «Ижтимоий фикр» шуни назарга тутган бўлса, адашмаган бўлади. Яъниким, шу машварат тезроқ ўтсаю, саммит баҳона ҳаракат доираси торайиб қолган одамлар яна эркин бўлса. Кечасию кундузи итдай ишлаган милисанинг орзуси ҳам шу эди, улардан қочган мардикорнинг орзуси ҳам шу эди.

Eltuz.com

Тағин ўқинг
26 март 2016
Ўзбекистон баҳсли бўлиб турган Чаласарт ҳудудига ҳарбий техника ва аскар киритгани муносабати билан Қирғизистоннинг Тошкентдаги элчиси маслаҳатлашувлар учун Бишкекка ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига дарз кетди. Бу сиёсатнинг ...
1 декабр 2017
Президент Шавкат Мирзиёев 30 ноябрь куни қийноқ ва ноқонуний йўллар билан олинган маълумотлардан далил сифатида фойдаланишни тақиқловчи фармонни имзолади. ...
4 январ 2017
Ўзбек тили давлат мақоми олганидан 27 йил ўтиб ҳам, идора ва ширкат номлари рус тилида қолаётгани ажабланарли. Бундан ҳам ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...