Блоглар
20 июл 2016

Ситора, Сарвар ва Комиллар лицензиядан маҳрум қилинди

19 июл куни «Ўзбекнаво» эстрада бирлашмаси Матбуот хизмати таниқли хонандалар Ситора Фармонова, Сарвар Азимов ва Комил Фозиловларнинг лицензияси тугатилганини билдирди.

Матбуот хабарида «Лицензия битимида назарда тутилган талаб ва шартлар мунтазам равишда бузилганлиги сабабли, ушбу хонандалар номига берилган лицензияларнинг амал қилиш муддати “Фаолиятнинг айрим турларини лицензиялаш тўғрисида”ги Ўзбекистон Республикаси Қонунининг 23-моддаси ҳамда Ўзбекистон Республикаси Вазирлар Маҳкамасининг 2015 йил 9 декабрдаги 354-сон Қарорига асосан 2016 йил 19 июлдан тугатилганлиги» билдирилади.

“Ўзбекнаво” эстрада бирлашмаси санъаткорлар фаолиятини бир қолипга солишга уриниб келади.

Бундан илгари Ўзбекистонда хизмат кўрсатган артист Дилфуза Раҳимова, «Ниҳол” мукофоти совриндори Отабек Муталхўжаев, хонанда Дилшод Раҳмонов, «Уммон” ва «Манго” гуруҳлари хонандалари, Тамилла лицензиядан маҳрум қилинганди.

Ўзбекистонда хизмат кўрсатган артистлар Иззатилла Ибрагимов, Собиржон Мўминов, Алишер Турдиев, Равшан Комилов, Тоир Қўзиев, «Ниҳол” мукофоти совриндори Ҳулкар Абдуллаева ва хонанда Фарҳод Саидовлар эса қаттиқ огоҳлантиришлар олишганди.

Маълумотларга кўра, шунингдек бугунгача мазкур ташкилотдан 3 мингдан ортиқ хонанда ва созандалар, бошловчилар лицензия олишга улгурган.
“Ўзбекнаво” одатдагидек, Ситора Фармонова, Сарвар Азимов ва Комил Фозиловларнинг лицензияси нима учун муддатидан аввал тугатилаётгани, улар қайси талабни бузганига аниқлик киритмаган.

Бироқ, Интернет тармоқларида тарқалган маълумотларга кўра, Ситора Фармонованинг Россия телеканали кўрсатувида пайдо бўлгани, КВНдаги қирғиз жамоаси томонидан “ўзбекистонлик актриса Европага ўзига эр қидириб келгани. Уни бунга ўзбек эри мажбур қилгани”, қабилидаги ҳазиллари лицензиясидан маҳрум бўлишига сабаб бўлгани айтилади.

Eltuz.com

Тағин ўқинг
1 октябр 2016
Ўзбекистоннинг бир қанча вилоят ва туманларида, шунингдек, Қорақалпоғистонда бу йил 18 ёшга етмаган болалар пахтага чиқарилганини eltuz.com ўз манбалари ...
20 март 2016
Экипаж аъзоларининг барчаси БАА фуқаролари бўлгани, шунингдек, йўловчилардан 5 нафари хорижлик экани айтилмоқда. Хабар қилинишича, йўловчиларнинг 2 нафари украиналик, ...
22 апрел 2016
«Правда востока» газетаси Тошкентда миллий инновация тизими масаласида бўлиб ўтган илмий-амалий анжуманда хорижлик меҳмонлар ҳам иштирок этганини билдирди. Ана ...
30 март 2016
Президент Каримов ҳокимиятдан ҳали кетиш нияти йўқлигини айтган, ҳокимиятга яқин шахслар эса аллақачон ҳокимият бошқа бир каттаконнинг, унинг куёви ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...