Блоглар
25 июл 2016

Pал секам ëки менинг видик билан учрашувим

Биринчи видик расмини кўрганимда физика математикага мослашган мактабнинг иккинчи синфида ўқирдим. “Радио” деган журналнинг 1967 йилги иккинчи сонини хозир ҳам олиб қўйганман.

rasm1701
Бу иккита ғалтакка видеотасма тортилган улкан “видеотрактор” эди.

Ҳақиқий видеомагнитофонни физика ўқитувчим билан экскурсияга борганим Москванинг ВДНХ сидаги кўргазмада кўрувдим.

Лекин барибир “Электроника-видео-591” деган ускунани кўриб миямга ғалати фикрлар келган эди.

“Яланғоч қизларни ҳам туширса бўладими” деб сўраб физика ўқитувчимдан дакки эшитгандим.

Улғайиб мактабда физика ўқитувчи бўлиб олган илк маошим 130 сўм эди, ўша пайтда Совет видеомагнитофони “ВМ Электроника-591»”ни нарҳи 1350 сўм эди.

Яъни 10 ой емай-ичмай йиғсам ҳам “видик” ола олмасдим. Чунки бу дефицит товар эди.

Форцовшиклар (олиб-сотарлар) қўлида Sharp, JVC, Philips, Funai, Hitachi, Akai, Panasonic, Sony каби илк видеоплейерлар бор бўлиб нарҳи осмонда эди.

Бу матахни олишга шу қадар иштиëқманд бўлганим боис ëзги таътилда Қирғизистондан Москвага наркотик етказадиган курьер бўлишга рози бўлдим.

Аммо ўзимга ваъда бердим. Видикни сотиб олган заҳотим бу ишни тўхтатаман деб.

Мен сотиб олган илк видик “Panasonic NV-2000” русумли эди. (Кейин аниқ бўлишича, советларнинг Электроника-591 видеомагнитофони шу япон молининг плагиат кўчирмаси экан)

Ҳуллас видикни катталиги чўпон итни инидай бўлган “Горизонт” деган совет телевизорига уладик.

Форцовшиклардан катта пулга сотиб олган “Мальчишник” деган кино ëзилган VHS кассетани техника тараққиëтига дахлдорлик каби ҳис туйғудан маст бўлиб кассета ичига тиқиб плей деган тугмани босдим.

Аммо севган артистим Том Хэнкс ижро қилган бу кино совет рангли телевизорида оқ-қора бўлиб кўринди.

Физика муаллими сифатида пал, секам каби ëйин тизимидан ҳабардор бўлсам ҳам бу тизимлар ўртасидаги тўқнашув қурбони бўламан деб ўйламаган эдим.
Олдимда икки йўл бор эди.

1.Пал ëки пал-секам русумли телевизор сотиб олишим лозим эди.
2.Киноларни оқ-қора кўришга рози бўлишим керак.

Чет эл телевизорини фалон пулга олиш учун яна наркокурьер бўлишга юрагим дов бермади ва “Греческой смоковницы” “А ну-ка, девочка, разденься” каби “уят кинолар”ни илк бора оқ-қора тарзда кўрдим.

Ëр-дўстлар менда видик борлигини билиб ош қилиб зиëфатга чақиришар эди.

Видеомагнитофонни улкан чемоданга солиб шаҳар бўйлаб юрганимда ҳамшаҳарлар чемодан ичида видик борлигини ва чемодан кўтарган киши порно кинолар кўришини аниқ билиб менга андишали боқишар эди.

Баъзан КГБ ортимиздан тушган холлари ҳам бўлди. Бу энди алоҳида ҳикоя

Абдуқаюм Азимов,
(исми шариф ўзгартирилган)
Нафақадаги физика ўқитувчиси
Eltuz.com

Тағин ўқинг
21 май 2018
Андижон шаҳрининг сўконғич ҳокими Дилмурод Раҳматуллаевнинг тилини тушовлашнинг умуман имкони бўлмаяпти. Ўтган йили шундай феъли сабабли у суд қарори ...
19 декабр 2017
Хоразм вилоятининг Қўшкўпир тумани усталари «Феррари» автомобилининг нусхасини яратишди. Энг қизиғи, унга «Запорожец» автомобили мотори ўрнатилган. «Элтуз» нашрининг Урганчдаги ...
29 март 2018
МХХ терговчилари давлат тўнтаришида айблаётган журналист Бобомурод Абдуллаев ва яна уч нафар судланувчи устидан Тошкентда ўтаётган суд мажлиси пойтахтга ...
10 октябр 2016
Ўзбекистон президенти вазифасини бажарувчи Шавкат Мирзиёевнинг «Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик ...
Блоглар
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида «пул ва ...
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
11 июн 2018
Яқинда ОАВ вакиллари билан учрашган Ўзбекистон ёшлар иттифоқи марказий кенгаши раиси, президентнинг давлат маслаҳатчиси Қаҳрамон ...