Cатира
25 август 2016

Ойлик ва пенсиялар ошади, бироқ нарх-наво аллақачон кўтарилмоқда…

Президент фармонида, 2016 йилнинг 1 октябридан бошлаб бюджет муассасалари ва ташкилотлари ходимларининг иш ҳақи, пенсиялар, стипендиялар ҳамда нафақалар миқдори ўрта ҳисобда 1,15 баравар оширилиши қайд этилади. 

Бундан келиб чиқиб жорий йилнинг октябридан энг кам иш ҳақи – ойига 149 775 сўм; ёшга доир пенсиялар – ойига 292 940 сўм; болаликдан ногиронларга бериладиган нафақа – ойига 292 940 сўм қилиб белгиланган; 

Фармонда, «зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа ойига 179 755 сўм миқдорида белгилансин», дейилган.

Eltuz.com мухбири бу хабар ўзбекистонликларга қандай таъсир кўрсатганлигини билиш мақсадида, турли ёшдаги ва мавқедаги кишилардан интервью олишга ҳаракат қилди.

«Билмадим, хурсанд бўлганим йўқ», – деди исми сир қолишини истаган ўқитувчилардан бири.

У октябр ойининг ойлиги ноябр ойида, ёки ундан кечроқ кечроқ тушиши, лекин бозордаги ва магазинлардаги нарх-наво сентябр ойидаёқ ошиб кетишини айтади.

«Нарх-наво ошганидан кўра, ойликларнинг ошмагани маъқулроқ эди» дейди савдогарлардан бири.

Айрим энг зарур махсулотлар нархи эса аллақачон ошган.

“Нега ун, ёғ, шакар, кирсовуннинг нархи ошиб кетди”, деган саволимизга сотувчилар ойликлар ошдику деб жавоб беришади.

«Ойлик билан унча қизиқмайман, ҳар ойда 400 ёки 420 минг сўм пластигимга пул тушади – дейди ўзини банк ходими деб таништирган яна бир суҳбатдош, – менинг ойликдан ташқари тушимим бор, яъни “левий”им. Ҳар куни ризққа яраша 30-40 минг сўм тушиб туради. Шунинг учун ойлик ошса ҳам ошмаса ҳам менга фарқи йўқ.

«Туман мудофаа бўлимида ишлаб пенсияга чиққанман, – деди яна бир суҳбатдош, – 910 минг сўм пенсия оламан. 15 фоиз ошган бўлса, демак ҳар 100 минг сўмга 15 мингдан қўшилади, пенсиям анча кўпайиб қолар экан».

Eltuz.com нашри мухбирининг «Ойлик ошса нима ўзгаради?» деган саволига кўпчилик “Солиқлар ошади”, “Яна инфляция давом этади”, айримлар эса шунчаки эҳтиёт шарти ва киноя оҳангида “Ахоли фаровонлигини ўйлаётган инсонларга ташаккурлар бўлсин” дея жавоб қилишди.

Насима Даврон қизи

Расм муаллифи, Элсевар
Eltuz.com

Тағин ўқинг
18 июл 2016
«Адолат» газетасини варақлаб, Ўзбекистон сиёсий ҳаётидаги навбатдаги ўхшамаган пародия, ўзбекча айтганда, ўхшамаган тақлидга кўзингиз тушади. Тақлидки, кулишни ҳам, йиғлашни ...
25 октябр 2016
Ислом Каримов ҳукмронлигининг гуллаб-яшнаган даврида халқ шоири даражасига эришган «омадли» шоирлардан бири Иқбол Мирзо шамол қаёққа эсаётганини кўпчилик ижодкорлардан ...
5 январ 2016
Янги йил арафасида Фэйсбук саҳифаси иштирокчилари «Тошкент гўзали»ни танлашди. Актриса Олеся Недобегова бу виртуал танлов ғолиби бўлди ва у ...
6 сентябр 2017
5 сентябрда Ўзбекистонда конвертация очилиши билан, ҳорижий валюта фақат конверсион карточкаларга ўтказиш орқали сотилиши маълум бўлди. Гарчи расман Ўзбекистон ...
Блоглар
18 май 2018
Президент Мирзиёевнинг умр йўлдоши Зироатхон Ҳошимованинг Вашингтондаги Оқ уйда тушган фотосуратлари ижтимоий тармоқларда тарқалди. Улардан ...
10 май 2018
Бу йилги 9 май Ўзбекистонда кўп йиллардан буён собиқ шўролар рамзларига, бугунги Россияда урфга кирган ...
8 май 2018
Сўнгги 60 кун давомида ижтимоий тармоқдаги ўзбекларнинг фаол қисми Бобомурод бошчилигидаги «давлат тўнтарувчи»ларига қарши драматик ...