Асосий мавзулар
25 август 2016

Муқимий бугун Қўқонда яшаганда ким бўларди?

«Ҳуррият газетасида (24.08.2016) Фарғона вилоятида амалга оширилган «улкан бунёдкорлик ишлари, халқимизнинг ҳавас қилса арзигулик фаровонлиги»га бағишланган навбатдаги мақола эълон қилинди.

Муаллиф мақолани тасаввурига эрк берган ҳолда бошлайди. «… мўъжиза рўй бериб мавлоно Муқимий тирилиб қолса-да, ўзи туғилиб ўсган Қўқон шаҳрини, саёҳатномаларида таърифлаган қишлоқларни бугун бир айланса, қандай аҳволга тушар экан», деган савол билан бошлайди.

Муаллиф бечора мумтоз шоиримиз бир ғазалида «Шул эрур айбим, Муқимий, мардуми Фарғонамин», деб куюниб, ранжиб ёзгани»ни эслар экан, бугунги Қўқондаги «ободонлаштириш ишларини кўриб ёқа ушлаши»ни яшириб ўтирмайди.

«Ким билан гаплашманг, юзида табассум, ҳаётидан мамнунлик уфуриб турибди… Турмуши фаровон, эртасига ишончи комил одамларда шундай кайфият бўлади», дея хулоса қилади муаллиф ва «кенг, равон кўчалар, боғлар, хиёбонлар қад ростлаши… президентимиз раҳнамолигида бутун мамлакатимиз бўйлаб амалга оширилаётган бунёдкорлик ва ободонлаштириш ишлари самаралари» эканини таъкидлайди.

Бу ҳам етмагандек, муаллиф Муқимий «Фарғона вилоятининг бугунги жамолини, одамларга яратилаётган шароитларни, ижод аҳли нақадар улуғланаётганини кўрса, саёҳатномалари билан бирга ўша машҳур ғазалини ҳам албатта йиртиб ташлаган бўларди», дея фол очади.

Биз ҳам тасаввурга эрк бериб кўрайлик. Ҳақиқатан ҳам Муқимий домла бугунги кунларимизда яшаганда ким бўларди? Иқбол Мирзо, Сирожиддин Саййид сингари идодкорлар каби тузумга мадҳия тўқиб, бирор медаль ёки унвон олишни ўзига эп кўрган бўлардими?

Ёки феодалларча зулм ҳали ҳам сақланиб қолгани, газ йўқлигидан халқ қишда мевали дарахтларни кесиб уй эситишга мажбур бўлаётгани ҳақида Гулханий домла билан бошқа ҳеч ким эшитмаяптимикин, дея секин пичирлашиб ўтирармиди?

Балки халқ турмуши ҳақида ёзган ҳаққоний шеърларини нашр эттира олмай, ҳақиқатан ҳам уларни йиртиб отармиди?

Агар тузум маддоҳлари йўлидан юрмай, халқнинг асл аҳволи ҳақида баралла гапирса, айрим машҳур ижодкорлар каби балки бугун хорижда Ватан соғинчи ҳақида Фурқат домла билан суҳбат қуриб ўтирган бўлармиди?

Eltuz.com

Тағин ўқинг
8 ноябр 2015
Социал тармоқларда бензоколонкалардаги километрларга чўзилган рекорд навбатларнинг тасвирлари пайдо бўлган. Тағин, автоулови йўқларнинг куни туғди, улар ҳам “Афандининг гапи ...
22 декабр 2016
Расман тасдиқланмаган маълумотга кўра, 2005 йилда Андижон қирғинини уюштирган Зокир Алматов президент маслаҳатчиси сифатида ишга қайтарилган. Баъзи манбадарда 67-ёшли ...
29 сентябр 2017
29 сентябр эрталаб бедарак йўқолгани айтилган 44 яшар журналист Бобомурод Абдулла шаҳар ИИБ ходимлари томонидан қўлга олингани, бироқ МХХ ...
19 октябр 2015
Ўзбекистон инсон ҳуқуқлари жамиятининг фаоллари. Самарқандлик Норбой Холжигитов ва жиззахлик раҳматли Бахтиер Ҳамроев. Норбой Холжигитов Ўзбекистон қамоқхоналариларидан 2011 йили ...
Блоглар
18 май 2018
Президент Мирзиёевнинг умр йўлдоши Зироатхон Ҳошимованинг Вашингтондаги Оқ уйда тушган фотосуратлари ижтимоий тармоқларда тарқалди. Улардан ...
10 май 2018
Бу йилги 9 май Ўзбекистонда кўп йиллардан буён собиқ шўролар рамзларига, бугунги Россияда урфга кирган ...
8 май 2018
Сўнгги 60 кун давомида ижтимоий тармоқдаги ўзбекларнинг фаол қисми Бобомурод бошчилигидаги «давлат тўнтарувчи»ларига қарши драматик ...