Асосий мавзулар
13 октябр 2016

«Ҳуррият» ўзининг биринчи бош муҳарририни эсламади

«Ҳуррият» газетаси (12.10) ўзининг 1000-сони чиқиши муносабати билан нашрни ташкил этиш жараёнларида бевосита иштирок этган таниқли журналист Аҳмаджон Мелибоевнинг бу борадаги хотираларини эълон қилди.

Муаллифнинг ёзишича, ўша пайтларда «ўз сўзи, йўли ва фикрига эга, истиқлол даврида амалга оширилаётган ислоҳотларни холис ва ҳаққоний ёритиш, таҳлил қилишдек залворли масъулиятни ўз зиммасига оладиган газета кутилаётганди» ва бу газета айнан «Ҳуррият» бўлган.

Ҳатто газетанинг номини ҳам президент Ислом Каримовнинг ўзи таклиф этган.

«Биз «Янги ҳаёт», «Истиқлол овози», «Келажак овози» номларини таклиф этган эдик», деб эслайди А.Мелибоев.

Унинг билдиришича, газетанинг нишона сонини тайёрлаш устида Абусаид Кўчимов, Хуршид Дўстмуҳаммад, Ёқубжон Хўжамбердиев, Мурод Абдуллаев, Аҳмад Отабоев ва бошқалар ишлаган.

Муаллиф негадир газетанинг биринчи бешта сонини чиқаргандан кейин бош муҳаррир лавозимидан бўшатилган Карим Баҳриев номини тилга олмайди.

Аслида «Ҳуррият» ўша бешта сони билан газета сифатида танилганди. Ўшанда Ўзбекистон аҳли ҳақиқий журналистика, халқ дардини айта оладиган эркин фикрли нашр аслида қандай бўлиши кераклиги ҳақида ҳаққоний тасаввурга эга бўлганди, десак адашмаймиз.

А.Мелибоев ўзи ҳам эътироф этишга мажбур бўлганидек, «Ҳуррият»нинг нишона сони чиқиши – «бу янгилаётган эркин ва мустақил матбуотимизнинг чинакам байрами эди».

Афсуски, бу байрам узоққа чўзилмади. Бешта сони чиққандан сўнг «эркин ва мустақил матбуот» кимнидир чўчитди шекилли, аввалига «Ҳуррият» «боши»дан жудо қилинди – бош муҳаррири ишдан олинди. Кейин эса газета мамлакатдаги бошқа нашрларга ўхшади-қолди.

Ҳозир «Ҳуррият» мамлакатда нашр этиладиган 1400 дан ортиқ газета ва журналларнинг бири, холос. Унинг ўз сўзи ҳам, фикри ҳам йўқ.

Ундан биринчи сонларидан мерос сифатида фақат «мустақил газета» деган иддао қолгани ҳам бор гап. Бугун бу газета ҳақиқатан ҳам халқдан, унинг дарду ғамидан, ташвишу аламларидан мустақилдир…

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
8 июн 2016
Ўзбекистонда мактаб ўқувчиларини масжидга киритмаслик ҳаракатлари давом этаркан, рамазон ойларида масжидларда ўқитувчилар навбатчилик иладиган бўлди. «Юқоридан шундай топшириқ беришди», ...
4 феврал 2016
“Ўзбек турмаси сирлари” деб аталган видеосуҳбатнинг иккинчи қисмида журналист Малохат Эшонқулова саволларига жавоб бераркан, яқинда турмадан қайтган ҳуқуқ ҳимоячиси ...
15 апрел 2016
“Конституцион тузумга тажовуз”, “Қўпорувчилик”, “Таъқиқланган ташкилотлар тузиш ва уларга аъзолик” каби бир биридан вахимали моддалар билан айбланган “Арамаис ва ...
7 июн 2017
Бу кун Англия фуқаролик жамияти томонидан монархия зўровонликларини чеклаш йўлида туб бурилиш ясалган кундир. 1628 йилнинг 7 июнида Инглиз ...
Блоглар
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...
12 декабр 2017
«Ижтимоий фикр» барака топсин, яна раҳбарга ёқадиган, ақлини таниганларнинг истеҳзосига сабаб бўладиган навбатдаги сўрови натижасини ...
11 декабр 2017
9 декабрдан Тошкент шаҳридаги умумий овқатланиш шохобчаларини табиий газ тармоғидан бутунлай узиш бошланди. Газ идораси ...