Асосий мавзулар
6 ноябр 2016

Абдулла Ориповнинг жанозаси америкада ўқилди

Шанба эрталаб жони узилган Абдулла Ориповнинг жанозаси ўша куниинг ўзидаëқ Хюстон шаҳридаги масжидда ўқилган. Eltuz.com манбасига кўра АҚШдаги Ўзбекистон элчихонаси ходимлари жанозада иштирок этмаган. АҚШ даги Ўзбекистон элчихонаси ходимларининг душанба куни Ориповнинг яқинлари билан учрашуви ҳақида маълумотлар бор.

АҚШ да вафот этган Ўзбекистон қаҳрамонининг жасади сешанба куни Ўзбекистонга олиб кетилишини ҳам Eltuz.com манбалари тасдиқлади. Манбаларга кўра¸ шанба ва якшанба кунлари ўлик жўнатишга мутасадди ташкилотларнинг ишламаслиги майитнинг Ўзбекистонга юборилишини пайсалга солган.

Ўзбекистон расмий матбуоти ва телерадиоканалларида шоирнинг ўлими юзасидан таъзия шанба ва якшанба кунлари билдирилмаган. Баъзи ярим расмий интернет сайтларини ҳисобга олмаганда ўзбек матбуоти шоирнинг ўлими ҳақида икки кундан бери сукутда.

Айни пайтда шоирнинг Дўрмондаги ҳовлисини Тошкент шаҳри билан боғловчи йўлда ободончилик ишлари кетмоқда. Йўл асфалт қилиниб атрофларга гуллар экилган.

Eltuz.com манбасига кўра Ориопвнинг Тошкентдаги уйига муваққат президент Шавкат Мирзиëев келиш эҳтимоли боис бу ишлар қилинмоқда.

Айни манбанинг айтишича¸ муваққат президент доҳил ўзбек расмийлари имзо чеккан расмий таъзия душанба куни телевидения орқали эшиттирилади.

Ўзбекистон қаҳрамони Абдулла Орипов Тошкентдаги чиғатой қабристонига дафн қилиниши ҳақида маълумотлар бор.

Ўзбекистон Халқ шоири, Ўзбекистон қаҳрамони Абдулла Орипов 5 ноябрь куни эрталаб АҚШнинг Хюстон шаҳрида 75 ёшида вафот этган эди.

Ўзбекистон Ташқи ишлар вазирлиги матбуот хизматининг маълум қилишича, вазирлик марҳумнинг оиласи ва яқинларига самимий ҳамдардлик изҳор этган.

“Марҳумнинг жасадини Ўзбекистонга олиб келишга ва ўз ватанида дафн қилишга қарор қилган Абдулла Ориповнинг оила аъзоларига ёрдам бериш учун Ўзбекистон Республикасининг АҚШдаги Элчихонасига консуллик ва бошқа масалаларни зудлик билан ҳал қилиш учун барча зарур чораларни кўриш тўғрисида кўрсатма берилди”, дейилади хабарда.

Аммо бошқа давлат сайтлари хамон жим.

Eltuz.com

Тағин ўқинг
5 май 2016
«Гумроҳлар», «Алданган аёл», «Ажал жодуси», «Odnoklassniki» каби бугунги ҳукуматнинг мафкуравий талабларига жавоб берадиган фильмлар режиссёри Ҳилол Насимов бу каби ...
23 май 2018
Бугун Туркистон халқининг миллий озодлиги учун курашган Мунавварқори Абдурашидхоннинг НКВД жаллодлари томонидан ўлдирилган кундир. Мунавварқори 1878 йили Тошкентда туғилди. ...
15 март 2018
Ўзбекистонда МХХ (Миллий хавфсизлик хизмати) ДХХ (Давлат хавфсизлик хизмати)га айланди. Айни пайтда идоранинг асосий вазифалари принципал тарзда ўзгаргани йўқ. ...
7 декабр 2015
Омадли бизнесмен ва Ўзбекистондаги илк хусусий банкни ташкил қилган Рустам Усмонов, ўша пайтларда ҳали Тошкентдаги энг олий кабинетларга кира ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...