Асосий мавзулар
23 декабр 2016

Мунисани танқид қилган имом Гулнорани нишонга олди

Чилонзор тумани “Тинчлик” масжидининг имом хатиби Шермурод Тоғай (Алишер домла) ўзининг Муниса Ризаева ҳақидаги чиқиши юзасидан ёзилган танқидий муносабатга Фейсбукдаги ўз саҳифасида жавоб ёзди.

«Round Run» клипи муаллифи Гулнора Каримова имомнинг фотихасини олмоқда

Бундан илгари, 7 декабр куни имом Шермурод Тоғай машҳур ўзбек хонандаси Муниса Ризаевани “шаҳват қўзғатувчи” дея айблаб чиққан эди.

«40-йил хизмат қилсанг ҳам сенга ишонч йўқ. Эртага сотилиб кетишинг мумкин. Бу гапни бежиз айтмаяпман, Муниса Ризаева тўғрисида ёзган мақоламдан кейин мени террорист, узун сақол деб ҳақорат қилишди» дея ёзғирди имом 20 декабр куни ўзининг фейсбукдаги микроблогида.

Шунингдек имом бу сафар нафақат бу қўшиқчига балки «ўзбекча ашула айтиб, ўрисча гапирадиган, ўзбекча ўйнаб, «я узбекского язика незнаю», деб ишва қилиб йигитлар ҳирсини қўзғаб, қизларимиз ҳаёсини бузадиган барча яллачию отарчиларга» шундай мурожаат қилди:

«Қўшиқ айтишдан олдин ўзинг эшит, кексаларга кўрсат, устозлардан сўрагин шу қўшиқни айтсам бўладими йўқми, ёшларни йўлдан урмайманми, Аллоҳ таоланинг ғазабига учрамайманми, деб сўрагач ашула айтиш керак»

Шу аснода имомнинг бахсталаб, алмойи-алжойи фикрларидан яна бири шундай янграйди, «Гоҳо ўйлайман турклар тилимиз яқин бўлсада биронта ўзбекча ашула айтганми?»

Унинг гапларидан беихтиёр Чўлпон ҳаёлимизга келди.

Ҳақиқатан ҳам ўзбеклар «Яша Москва!» дея руснинг қўшиқларини куйлаб, ўз ойдинларини қатл қилаётган бир даврда, турклар ўзбек шоири Чўлпоннинг «Гўзал Туркистон» шеърини куйлаётган, севиб тинглаётган эдилар.

«Қолаверса, кимлигини айтмайман, мадрасаларда кимнидир сакратиб, ярим ялонғоч бўлиб, азизларни ҳақоратлаб қўшиқ айтганлардан хор бўлган инсонни ҳам биласизлар» дейди у шунингдек президент Каримовнинг қизи Гулнора ҳақида.

Айни имомнинг юқоридаги сўзларидан келиб чиқсак, ўз навбатида Гулнора ҳам имомнинг кекса устозларидан сўрамаганмиди нима қилиши кераклигини?

«Ҳақиқий санъаткорлар мисол учун Муножат Йўлчиевага ўхшаб ашула айтсин, биронта одам башаранг қурсин ҳаёсиз, иймонсиз деб қарғамайди» дея «маслаҳат» беради «Тинчлик» масжиди имоми ўзбек хонандаларига.

Имом шунингдек, ўзининг ҳам санъат шинавандаси эканини айтиб, Шукур Бурхон, Комилжон Отаниёзов каби санъаткорларни «қалбида сақлаши»ни билдираркан, унинг ҳамкасблари томонидан умуман исломда қўшиқ ва мусиқанинг харом эканлигига оид фикрлар ҳам янграйди.

Eltuz.com

Тағин ўқинг
15 июн 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов эътиборни кутилаётган навбатдаги президент сайловига ...
18 апрел 2017
18 апрел куни Қирғизистон президенти Алмаз Атамбаевнинг 20 яшар кенжа қизи Алия Шагиевага тегишли «Фейсбук» ва «Инстаграм» ижтимоий тармоқларидаги ...
9 июл 2019
Президент Шавкат Мирзиёев Олмазор туманидаги учрашувида Вестминстер университетининг 3-курс талабасига туризм вазири ўринбосари бўлишни таклиф қилди. Ўзини Саидакбархон дея ...
19 август 2023
2023-йил 18-август куни твиттерда Толибон режими амалдори бачабозлиги тасвирланган видео эълон қилинди.  Бу Ўзбекистонда баъзилар қуришни орзу  қиладиган Толибон ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...