Асосий мавзулар
4 январ 2017

Верка Сердючка Ўзбекистонда янги йилни нишонлади

Украин халқ артисти, “Верка Сердючка” тахаллуси билан шарафланадиган 44 яшар Андрей Михайлович Данилко янги йилни Тошкентда қутлади.

Данилко Тошкентдаги бой хонадонларнинг арча байрамига бирров кириб чиқиб яхшигина пул ишлагани айтилади.

Шунингдек, “Верка Сердючка” Ўзбекистондаги корейс диаспорасининг Юнусобод бўлими уюштирган арча байрамида ҳам қатнашди.

Байрамда қатнашганлар ва умуман тошкентликлар Элтуз мухбири билан суҳбатда “Верка Сердючка” билан учрашиш ва селфи тушиш бахтига муяссар бўлганидан шукроналар айтишди.

Айни пайтда Верка Сердючка образини корпоративлар Тошкентдаги пародия театри актерлари яратаётгани ҳақида ҳам гап сўзлар бор.

“Верка Сердючка” тошкентликлар муҳаббатига ноил бўлган бир пайтда Андижонда қорқиз кийимини кийган эркак калтаклангани видеоси тарқалган эди.

Андижонда хўрланган «қор қиз»

Қўл телефонига олинган видеотасвирда сўзлашув нормативидан йироқ гаплар бор ва унда эркаклар тарафидан уят сўзлар, сексизм, зўровонлик, гомофобия унсурлари акс этган.

Кадрда бир гала эркаклар «қорбобо»ни ўтказиб юбориб, «қорқиз»ни ўраб олишади ва уриб, тепиб ҳақорат қила бошлашади.

Ижтимоий тармоқда қолдирилган изоҳлардан, бунинг оддий бизнес экани, Ўзбекистонда ҳар йили янги йил кириши билан қорбобо ва қорқизга эҳтиёж борлигини билиш мумкин.

Ўтган йили Ўзбекистонда қорқизлар зўрлангани ҳақидаги гапдан кейин, қорқиз ролига қиз талабгорлар йўқлиги боис, бу ролни ҳам бу йил кўпроқ эркаклар ўзларига олишган эди.

Бу воқеа муносабати билан айрим юзерлар ўтган аср бошларидаги ўзбек театр труппаларида ҳам аёллар етишмагани учун, улар ролини эркаклар ўйнашга мажбур бўлишганини, ўшанда ҳам улар айрим томошабинлар қаҳрига дуч келишганини эслашди.

Eltuz.com

Тағин ўқинг
27 апрел 2017
Каримов номини абадийлаштириш қарори бўйича танлов якунига кўра, ҳайкалтарош Илҳом Жаборов унинг ҳайкалини барпо қиладиган бўлди. У илгари Амир ...
20 июл 2016
19 июл куни «Ўзбекнаво» эстрада бирлашмаси Матбуот хизмати таниқли хонандалар Ситора Фармонова, Сарвар Азимов ва Комил Фозиловларнинг лицензияси тугатилганини ...
20 июн 2017
15 июн кунги селектор йиғилишида Президент Мирзиёев қўш хотинлик муаммосини тилга олди. «ЗАГС ҳужжати бўлмаган шахсларга никоҳ ўқиган ҳар ...
6 май 2016
Ўтган ҳафта бошида Eltuz.com Ўзбекистонда энг олий ҳукумат изни билан ягона монополист переференцияси берилган «General motors» ширкати устамалари бўйича ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...